აბიტურიენტი გამოცდიდან დამხმარე მასალის გამოყენების მცდელობისთვის მოხსნეს

დღეს ქართულის ეროვნული გამოცდიდან ერთი აბიტურიენტი ე.წ. “შპარგალკის” გამოყენების მცდელობის გამო მოხსნეს. ამის შესახებ ინფორმაცია EDU.ARIS.GE-ს  შეფასებისა და გამოცდების ეროვნულ ცენტრში დაუდასტურეს.

რაც შეეხება მეორე სესიის სტატისტიკასა და ცენტრის გაფრთხილებას გამოსაცდელების მიმართ:

“4 ივლისს მეორე სესიაზე გამოცხადდა აბიტურიენტთა 93%-ზე მეტი, დაგვიანების შემთხვევა არ ყოფილა. პირველი სესიიდან მოიხსნა ერთი აბიტურიენტი დამხმარე მასალის გამოყენების მცდელობის გამო. შეფასებისა და გამოცდების ეროვნული ცენტრი კიდევ ერთხელ სთხოვს გამოსაცდელებს დაიცვან საგამოცდო წესები”, – აცხადებენ გამოცდების ცენტრში.

ხვალ აბიტურიენტები კვლავ ქართული ენისა და ლიტერატურის გამოცდას ჩააბარებენ.

5 ივლისიდან გამოცდებში პედაგოგები და სტუდენტთა საგრანტო კონკურსის მონაწილეებიც ერთვებიან.

ასევე იხილეთ:

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ