ალტე უნივერსიტეტსა და ბუქარესტის პოლიტექნიკურ უნივერსიტეტს შორის მემორანდუმი გაფორმდა

ალტე უნივერსიტეტში სტუდენტებისა და აკადემიური პერსონალისთვის საერთაშორისო შესაძლებლობები კვლავ ფართოვდება .

უნივერსიტეტის მიერ 23 ოქტომბერს გამოქვეყნებული ინფორმაციით, ამჯერად ურთიერთთანამშრომლობის მემორანდუმი ალტე უნივერსიტეტსა და ბუქარესტის პოლიტექნიკურ უნივერსიტეტს შორის გაფორმდა.

თანამშრომლობა მოიცავს შემდეგ ძირითად მიმართულებებს:

• ერთობლივი კვლევისა და განვითარების (R&D) პროექტების განხორციელებას
• აკადემიური პერსონალისა და სტუდენტების გაცვლასა და გამოცდილების გაზიარებას
• საერთაშორისო შეხვედრების, სიმპოზიუმებისა და კონფერენციების ორგანიზებას
• სასწავლო მასალებითა და სამეცნიერო პუბლიკაციებით საერთო სარგებლობას

“ეს ურთიერთთანამშრომლობა ჩვენი სტუდენტებისა და პერსონალისთვის კიდევ ერთი მნიშვნელოვანი შესაძლებლობაა, მიიღონ საერთაშორისო ცოდნა და გაიზიარონ საერთაშორისო აკადემიური და სამეცნიერო საზოგადოების გამოცდილება”.

უნივერსიტეტის სხვა ამბები