CIU-ს მულტიმედია ცენტრს ბრიტანელი მედიაექსპერტი, ადრიან ჰედლანდი ესტუმრა
კავკასიის საერთაშორისო უნივერსიტეტის მულტიმედია ცენტრს ბრიტანელი მედიაექსპერტი, სტერლინგის უნივერსიტეტის პროფესორი, ადრიან ჰედლანდი ესტუმრა.
სტუმარი დეტალურად გაეცნო CIU მულტიმედია ცენტრის მუშაობის სპეციფიკას, მოინახულა ტელე და რადიოსტუდიები.
CIU-ს ჟურნალისტიკის საბაკალავრო და მედიის კვლევებისა და მულტიმედია წარმოების სამაგისტრო პროგრამების ხელმძღვანელმა, პროფესორმა, ზაზა ცოტნიაშვილმა ადრიან ჰედლანდს კავკასიის საერთაშორისო უნივერსიტეტის ჟურნალისტიკის საგანმანათლებლო პროგრამები გააცნო.
ადრიან ჰედლანდს უმასპინძლა CIU მულტიმედია ცენტრის ხელმძღვანელმა, პროფესორმა, ნინო ჭალაგანიძემ, რომელმაც შეხვედრის ბოლოს ბრიტანელ სტუმარს უნივერსიტეტისგან სიმბოლური საჩუქრები გადასცა.
ადრიან ჰედლანდი მსოფლიოს სხვადასხვა ქვეყანაში 15 წელზე მეტი ხნის განმავლობაში პრაქტიკოს ჟურნალისტად მუშაობდა. არის 17 წიგნისა და არაერთი სამეცნიერო სტატიის ავტორი.
- CIU-ს დელეგაციამ ლონდონის ფორუმში ხელოვნური ინტელექტი განათლებაში მიიღო მონაწილეობა by კავკასიის საერთაშორისო უნივერსიტეტი
- “CIU BC კავკასია” სუპერლიგის 2023-2024 სეზონის ვერცხლის მედლის მფლობელია by კავკასიის საერთაშორისო უნივერსიტეტი
- კავკასიის საერთაშორისო უნივერსიტეტის ფუტსალის გუნდი ეროვნული ჩემპიონატის ნახევარფინალში ითამაშებს by კავკასიის საერთაშორისო უნივერსიტეტი