„დაიშვას სასკოლო ტრანსპორტის გადაადგილება ე.წ BUS LINE-ზე“ – მოსწავლეთა მშობლების პეტიცია და მოთხოვნა მერიისადმი

დედაქალაქის მოსწავლეთა მშობლები თბილისის მერიას მიმართავენ და მოითხოვენ, რომ სასკოლო ტრანსპორტის გადაადგილება ავტბუსის ზოლში გახდეს შესაძლებელი.

აღნიშნული მოთხოვნით სპეციალური პეტიცია შეიქმნა, რომელსაც უკვე 2000-მდე მშობელი აწერს ხელს.

“დაიშვას სასკოლო ტრანსპორტის გადაადგილება ე.წ “Bus line”-ზე, რომ ჩვენმა შვილებმა დღეში რამდენიმე საათი არ გაატარონ საცობში დგომაში!!!”, – ვკითხულობთ პეტიციაში.

პეტიციას სულ 10 000 ხელმოწერა სჭირდება.

ხელმოწერის დაფიქსირებისთვის იხილეთ პეტიცია

შეგახსენებთ, რომ ავტობუსის ზოლში გადაადგილების უფლება, მერიის გადაწყვეტილებით, ცოტა ხნის წინ ტაქსების გარკვეულ კატეგორიას მიენიჭა და A კატეგორიის ტაქსებს, რომელთა ასაკიც 10 წელს არ აღემატება, ავტობუსის ზოლში მოძრაობის უფლება მისცეს, გარკვეული დათქმებით.

ასევე იხილეთ:

რამდენად უსაფრთხოა სკოლების მიმდებარე გზებზე ავტოტრანსპორტის მოძრაობის გამო მოსწავლეების გადაადგილება?