DevOps სამაგისტრო პროგრამა BTU-ში რეგიონის მასშტაბით უნიკალურ პროგრამად რჩება

BTU-ს ინფორმაციული სისტემების მართვა DevOps ერთადერთი და რეგიონის მასშტაბით უნიკალური სამაგისტრო პროგრამაა საქართველოში. პროგრამის ფარგლებში შეისწავლით პროგრამული უზრუნველყოფის კომპლექსურ განვითარებასა და შესაბამისი აიტი ოპერაციების მართვას.

ბიზნესისა და ტექნოლოგიების უნივერსიტეტის აღნიშნული სამაგისტრო პროგრამა აკრედიტებულია არა მხოლოდ საქართველოში შესაბამისი ორგანოების მიერ, არამედ Amazon Academy-ს მიერ, რაც ადასტურებს მის შესაბამისობას მსოფლიოს უმაღლეს სტანდარტებთან.

თუ DevOps-ზე სწავლას გადაწყვეტთ, თქვენ 2 წლის განმავლობაში გასწავლიან დარგის საერთაშორისო ექსპერტები, ინდუსტრიის საუკეთესო პროფესიონალები, DevOps ინჟინრები და მეცნიერები. თეორიული სწავლის პარალელურად სასწავლო კურსი პრაქტიკული პროექტების განხორციელებისა და შესაბამისად, რეალური გამოცდილების მიღების შესაძლებლობასაც გთავაზობთ.

სწავლის პროცესში მაგისტრანტებს წვდომა ექნებათ იმ მაღალტექნოლოგიურ ლაბებზე, რომლებიც BTU-ში ფუნქციონირებს. ესენია: Microsoft, Andoid & Ios, Industry 4.0, ბლოკჩეინი, ხელოვნური ინტელექტი, კიბერუსაფრთხოება, მდგრადობა, განახლებადი ენერგიები.
DevOps ერთ-ერთი ყველაზე სწრაფად მზარდი და მოთხოვნადი პროფესია მსოფლიოში. ხოლო
უნიკალური შეთავაზებები, რომლებსაც BTU აღნიშნული პროგრამის სტუდენტებს სთავაზობს, ასე გამოიყურება:

• თანამშრომლობა წამყვან ტექნოლოგიურ კომპანიებთან;
• პარტნიორობა საერთაშორისო ფონდებთან და აქსელერატორებთან;
• სასწავლო პროგრამაში ინტეგრირებული საერთაშორისო სასერტიფიკატო პროგრამები;
• გაცვლითი პროგრამები ევროპის წამყვან უნივერსიტეტებში სრული დაფინანსებით.

ეს გახლავთ სფერო, რომელიც უწყვეტ რეჟიმში ვითარდება. შესაბამისად, სამაგისტრო პროგრამის სასწავლო გეგმა მუდმივად ახლდება. როგორც უნივერსიტეტში განმარტავენ, მათი მიზანია, რომ მაგისტრანტებს შეასწავლონ ის, რაც ტექნოლოგიურ სამყაროში ამჟამად არის აქტუალური. პროგრამის ფარგლებში მოთხოვნადი და აქტუალური საგნები შეისწავლება. მათ შორისაა საგნები ინფორმაციული სისტემების, პროგრამული ინჟინერიის, ავტომატიზაციის სისტემების, ოპერაციული სისტემების და სხვა მიმართულებით.

პროგრამის განმავლობაში თქვენ მიიღებთ მრავალფეროვან ცოდნას შემდეგი მიმართულებებით: AWS, Microservices, Kubernetes, CI/CD, Testing Automation, Agile, Project Management, Ansible, Rancher, Terraform, Linux, DevSecOps, MongoDB, Microsoft, Google….
სამაგისტრო პროგრამის ღირებულება 2950 ლარია. ჩაბარება კი ერთიანი სამაგისტრო გამოცდების საშუალებით ხდება.

დეტალური ინფორმაციის მისაღებად შეავსეთ სარეგისტრაციო ფორმა.

უნივერსიტეტის სხვა ამბები