დისტანციურ სწავლებაზე გადასვლის მიზნით, ნოემბრის პირველ კვირაში დამატებით 9 278 მოსწავლე დარეგისტრირდა
საქართველოში დისტანციურ სწავლებაზე დაბრუნების მსურველთა რიცხვი არ კლებულობს.
განათლების მართვის საინფორმაციო სისტემის მიერ, EDU.ARIS.GE-სთვის დღეს მოწოდებული ინფორმაციით, 4 ნოემბერს, ტრადიციულ ხუთშაბათ დღეს (როცა ონლაინ სწავლებაზე რეგისტრაციისთვის შესაბამისი პორტალი ხელმისაწვდომი ხდება), დამატებით დარეგისტრირდა 9 278 მოსწავლე და ისინი საგანმანათლებლო პროცესში დისტანციურად ჩაერთვებიან.
შედარებით მომატებულია ონლაინ სწავლების გაუქმებისა და კვლავ დასწრებულზე გადასვლის მსურველთა რიცხვი. ნოემბრის პირველ კვირაში, დასწრებული სწავლების მოთხოვნის სურვილით, შესაბამის პორტალზე 5 935 მოსწავლე დარეგისტრირდა, ანუ გააუქმა ონლაინ სწავლების მოთხოვნა.
კორონაპანდემიის პარალელურად, საქართველოს მასშტაბით, საჯარო და კერძო სკოლებში სასწავლო პროცესი დასწრებულ რეჟიმში 4-ოქტომბრიდან განახლდა. ამ დროის განმავლობაში, მოსწავლეები და მათი მშობლები იყენებენ შესაძლებლობას, რომ დისტანციურ ფორმატში სწავლება აირჩიონ და ყოველკვირეულად ასეთ სურვილს ათი ათასამდე პირი გამოთქვამს. დისტანციურ სწავლებაზე რეგისტრირებულთა საერთო ჯამი 5 ნოემბრის მდგომარეობით, დაახლოებით 44 ათასამდეა.
5 ნოემბერს საქართველოში კორონავირუსის 5 340 ახალი შემთხვევა გამოვლინდა. მთავრობის სპეციალური ვებგვერდის stopcov.ge ინფორმაციით, ქვეყანაში ბოლო 24 საათში 3 631 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 62 პაციენტი. ქვეყანაში კორონავირუსის გამოვლენის დადებითობის მაჩვენებლებია: დღიური – 9,66%, ბოლო 14 დღის – 9,45%, ბოლო შვიდი დღის – 9,99%.
საქართველოში კორონავირუსით ინფიცირების სულ 743 511 შემთხვევაა გამოვლენილი, მათგან 681 919 გამოჯანმრთელდა, 10 300 კი, გარდაიცვალა.
ასევე იხილეთ:
საუბარია, რომ მშობლის სურვილის შემთხვევაში, აიცრას ყველა 12-დან 15 წლამდე ბავშვი
სად და როგორ უნდა დარეგისტრირდეს მოსწავლის მშობელი ონლაინ სწავლების არჩევის შემთხვევაში – დეტალები
- როგორ გეგმავს მთავრობა პროფესიულ და უმაღლეს განათლებაში მყოფთა კარიერულ დახმარებას – „სერვისები ყველა სტუდენტის საჭიროებაზე იქნება მორგებული“ by ARIS.GE-განათლება
- 23 სკოლა, რომელთა მშენებლობა/პროექტირება ან რეაბილიტაცია შემოდგომიდან დაიგეგმება by საქართველოს განათლებისა და მეცნიერების სამინისტრო
- „მასწავლებელთა ხელფასების ზრდა მომავალშიც მუდმივ რეჟიმში გაგრძელდება“ – ირაკლი კობახიძე by ARIS.GE-განათლება