გაეროს გლობალური მიზნების კვირეულის ფარგლებში CIU-ში საჯარო შეხვედრა გაიმართა
![](https://edu.aris.ge/news/wp-content/uploads/2023/09/381592565_329163616137435_3488415454343185962_n-458x257.jpg)
გაეროს გლობალური მიზნების კვირეულის ფარგლებში კავკასიის საერთაშორისო უნივერსიტეტმა საჯარო შეხვედრას უმასპინძლა თემაზე: „ქალი ლიდერები ფინტექში“.
ღონისძიება CIU-ს ბიზნესისა და ტექნოლოგიების ფაკულტეტისა და „საქართველოს ფინტექ ასოციაციის“ ერთობლივი ორგანიზებით გაიმართა.
შეხვედრა კავკასიის საერთაშორისო უნივერსიტეტის რექტორმა, კახაბერ კორძიამ გახსნა, სტუმრებს ასევე მიესალმა ბიზნესისა და ტექნოლოგიების ფაკულტეტის დეკანი, მარიკა კლდიაშვილი.
შეხვედრაზე ძირითადი მოხსენებებით წარდგნენ – United Payment Georgia-ს ბიზნესის განვითარების და ოპერაციების დირექტორი, იაკო ჯიქია; Lightspeed Digital-ის დამფუძნებელი და მმართველი პარტნიორი, მარიამ რუსიშვილი და პაშა/რე-ბანკის დისტანციური ბანკინგის დეპარტამენტის ხელმძღვანელი, ირინა ალექსიშვილი.
ღონისძიებას მოდერატორობა გაუწია „საქართველოს ფინტექ ასოციაციის“ თავმჯდომარემ, დავით კიკვიძემ.
შეხვედრაზე განიხილეს საინფორმაციო ტექნოლოგიების გამოყენება ფინანსური მომსახურების სფეროში, მათ შორის, ბანკებისა და სხვა ფინანსური ინსტიტუტების ჩართულობით. ასევე, ისაუბრეს ამ მიმართულებით, ტექნოლოგიური ინოვაციებისა და ფინტექ სტარტაპების შესახებ.
ღონისძიება კავკასიის საერთაშორისო უნივერსიტეტის გაეროს მდგრადი განვითარების მიზნების ლაბორატორიაში გაიმართა.
შეხვედრას უნივერსიტეტის ადმინისტრაციული/აკადემიური პერსონალი და სტუდენტები ესწრებოდნენ.
-
CIU-ს შემეცნებითი პროექტი „ყვარლიდან მთაწმინდამდე გურამ შარაძის მოტივებზე“ ხონის მუნიციპალიტეტის სკოლების დირექტორებს გადაეცათ by კავკასიის საერთაშორისო უნივერსიტეტი
-
CIU-ს ახალი სადოქტორო პროგრამა – მევენახეობა და მეღვინეობა აკრედიტებულია by კავკასიის საერთაშორისო უნივერსიტეტი
-
CIU აცხადებს 2024-2025 სასწავლო წლის შემოდგომის სემესტრის მობილობას – ადგილების რაოდენობა პროგრამების მიხედვით by კავკასიის საერთაშორისო უნივერსიტეტი