გამოქვეყნდა ეროვნული სასწავლო ოლიმპიადის მესამე ტურის შედეგები, მაქსიმალური ქულები და ტესტები – გასაჩივრების წესი

შეფასებისა და გამოცდების ეროვნულმა ცენტრმა დღეს, 19 მარტს, 2023-2024 სასწავლო წლის ეროვნული სასწავლო ოლიმპიადის მესამე ტურის პირველადი შედეგები, საგნების მიხედვით მაქსიმალური ქულები, ტესტების ნიმუშები და აპელაციის წესი გამოაქვეყნა.

ცენტის განმარტებით, ეროვნული სასწავლო ოლიმპიადის მესამე ტურის შედეგის ნახვა მონაწილეს შეუძლია ვებგვერდზე online.naec.ge ამისათვის მან სპეციალურ ველში უნდა შეიყვანოს პირადი, თერთმეტნიშნა ნომერი. საკუთარი მოსწავლეების შედეგების ნახვა ასევე შეუძლია სკოლის ადმინისტრაციას ცხრანიშნა და ოთხნიშნა კოდების გამოყენებით.

შ ე დ ე გ ე ბ ი

2023-2024 სასწავლო წლის ეროვნული სასწავლო ოლიმპიადის მესამე ტურის გამარჯვებულია ის მონაწილე, რომელმაც დააგროვა შესაბამისი საგნის ტესტის მაქსიმალური ქულის არანაკლებ 60%-ისა და მოხვდა შესაბამისი კლასისა და საგნის რეიტინგული სიის პირველ ათ მონაწილეს შორის.

მაქსიმალური ქულები საგნების მიხედვით

იმ შემთხვევაში, თუ მონაწილე არ ეთანხმება შეფასებას, საპრეტენზიო განაცხადები მიიღება 20 მარტის 10:00 საათიდან 21 მარტის 18:00 საათამდე.

საპრეტენზიო განაცხადის ფორმა