გორის სახელმწიფო უნივერსიტეტში ინტელექტუალური თამაში – „რა? სად? როდის?“ გაიმართა

1-ელ აპრილს, გორის სახელმწიფო უნივერსიტეტში, სტუდენტური თვითმმართველობის ორგანიზებით, ინტელექტუალური თამაში – „რა? სად? როდის?“ გაიმართა.

უნივერსიტეტის მიერ 3 აპრილს გამოქვეყნებული ინფორმაციით, ინტელექტუალურ შეჯიბრში გორის სახელმწიფო უნივერსიტეტის სხვადასხვა ფაკულტეტის 22 გუნდი მონაწილეობდა.

დაძაბული და საინტერესო ასპარეზობის შედეგად გამოვლინდა გამარჯვებული გუნდი, რომლის წევრებსაც – ქეთი ქარელიშვილს, ქეთი ვანიშვილს, მარიამ ნოზაძეს, მარიამ მჭედლიშვილს, მარიამ ხანიშვილსა და ლიკა გუდაძეს, სიმბოლური საჩუქრები გადაეცათ.

„გორის სახელმწიფო უნივერსიტეტი მუდმივად უჭერს მხარს სტუდენტებში შემეცნებითი და ინტელექტუალური აქტივობების წახალისებას“, – აცხადებენ უნივერსიტეტში.

უნივერსიტეტის სხვა ამბები