განათლების მიმართულებით თბილისის 2025 წლის დამტკიცებულ ბიუჯეტში 262 მილიონამდე ლარია განსაზღვრული – დოკუმენტი

გაზრდილი ფინანსური რესურსის გათვალისწინებით, 24 დეკემბერს დამტკიცებული ქალაქ თბილისის მუნიციპალიტეტის 2025 წლის ბიუჯეტის ასიგნებები მიიმართება სხვადასხვა პრიორიტეტებზე, რომელთა შორის არის განათლება: 261 539,9 ათასი ლარით.

როგორც დღევანდელ საკრებულოს სხდომაზე გახდა ცნობილი, თბილისის 2025 წლის ნაერთი ბიუჯეტი 2 მილიარდ 555 მილიონ ლარს მიაღწევს, საკუთარი შემოსავლების გარდა, თბილისის მუნიციპალიტეტი ცენტრალური ხელისუფლებისგან დახმარების სახით 580 მილიონ ლარს მიიღებს, რაც უპრეცედენტოდ მაღალია.

მათ შორის ინფრასტრუქტურის თვალსაზრისით, საბავშვო ბაღების მშენებლობა-რეაბილიტაციისთვის განსაზღვრულია 14 მლნ ლარი.

თბილისის 2025 წლის ბიუჯეტი

ბიუჯეტი საკანონმდებლო მაცნეზე

თბილისის ვიცე-მერის, ირაკლი ხმალაძის თქმით, მიმდინარე და საოპერაციო ხარჯებს შორისაა გათვალისწინებული საბავშვო ბაგა-ბაღების სუბსიდია – 218 მლნ ლარი.