განათლების სამინისტრო სახელფასო ფორმულის განმარტებებს აქვეყნებს – დოკუმენტი

განათლების, მეცნიერებისა და ახალგაზრდობის სამინისტრო საქართველოს საკანონმდებლო მაცნეზე საჯარო სკოლის მასწავლებელთა ანაზღაურების ახალი ბრძანების გამოქვეყნების შემდეგ სახელფასო ფორმულის შესახებ განმარტებებს აქვეყნებს.

ძირითადი ცვლილებების განმარტებები

მთავრობის გადაწყვეტილებით, 2024 წლის 1 ივლისიდან ამოქმედდება მასწავლებელთა შრომის ანაზღაურების ახალი მექანიზმი.

საჯარო სკოლების მასწავლებელთა შრომის ანაზღაურების მინიმალური ოდენობისა და  პირობების დადგენის თაობაზე ახალი ბრძანების თანახმად:

მასწავლებლის შრომის ანაზღაურება მოიცავს:

ა) თანამდებობრივ სარგოს, რომელიც გაანგარიშდება შემდეგი კრიტერიუმებით:

1.განათლება და კვალიფიკაცია;

2. სამუშაო სტაჟი;

3. სამუშაო დატვირთვა;

და

ბ) შესაძლო დანამატებს:

1. წამყვანი ან მენტორი მასწავლებლის ფუნქციური დანამატი;

2. კლასკომპლექტით სწავლების დანამატი;

3. დანამატი არაქართულენოვან სკოლებში/სექტორებზე ერთ-ერთი შემდეგი საგნის სწავლებისათვის: ქართული არაქართულენოვანი სკოლებისთვის; საქართველოს ისტორია; საქართველოს გეოგრაფია;

4. კლასის დამრიგებლობის დანამატი;

5. მაღალმთიან დასახლებაში მდებარე საჯარო სკოლის მასწავლებლის დანამატი.

თანამდებობრივი სარგო სამუშაო დატვირთვის შესაბამისად განისაზღვრება ქვემოთ მოცემული ცხრილის მიხედვით:

იხილეთ: ცხრილი და განმარტებების დოკუმენტი სრულად