განათლების სექტორმა საშუალო ხელფასის ოდენობით ბოლო ადგილზე გადაინაცვლა

2020 წლის II კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 2.5 პროცენტით (29.6 ლარით) შემცირდა და 1 150.1 ლარი შეადგინა.
სექტორებს შორის კლება შეეხო განათლებასაც. თუ აქამდე საშუალო ხელფასის სიდიდით განათლების სექტორი ბოლოდან მეორე ადგილზე იყო და მას მხოლოდ სატყეო და თევზის მეურნეობა ჩამორჩებოდა, ახლა საქსტატის ცხრილში, განათლება ბოლო ადგილზეა და საშუალო ხელფასის ოდენობა 785 ლარს შეადგენს.
2020 წლის II კვარტალში, გასული წლის შესაბამის პერიოდთან შედარებით ხელფასების შემცირება შეინიშნებოდა სექტორების უმრავლესობაში. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები – 2 040.9 ლარი (წინა წლის შესაბამის პერიოდთან შედარებით შემცირდა 14.7 პროცენტით); ინფორმაცია და კომუნიკაცია – 1 932.8 ლარი (გაიზარდა 7.0 პროცენტით); პროფესიული, სამეცნიერო და ტექნიკური საქმიანობები – 1 786.9 ლარი (შემცირდა 6.0 პროცენტით); მშენებლობა – 1 621.4 ლარი (შემცირდა 8.5 პროცენტით).
მოამზადა თამთა ვირსალაძემ
-
ისტორიის სწავლების „ახალი“ პოლიტიკა სკოლაში – რისკები და გამოწვევები by განათლებული ბლოგი
-
აჭარის მუნიციპალიტეტებში სასწავლო და სააღმზრდელო პროცესი შეჩერდა – სწავლის განახლების თარიღი by ARIS.GE-განათლება
-
საგაზაფხულო არდადეგები სკოლებში 8 მარტს დაიწყება – სასწავლო პროცესის განახლების თარიღი by ამბები ზოგადი განათლებიდან