„მოლაპარაკების ხელოვნება“ – X-XII კლასების მოსწავლეებს გრიგოლ რობაქიძის სახელობის უნივერსიტეტი ტრენინგზე იწვევს

გრიგოლ რობაქიძის სახელობის უნივერსიტეტი საქართველოს ზოგადსაგანმანათლებლო სკოლების X-XII კლასების მოსწავლეებს იწვევს მონაწილეობის მისაღებად ინტერაქტიულ ტრენინგში /კონკურსში: „მოლაპარაკების ხელოვნება-მედიაცია“, რომელიც გაიმართება 2025 წლის 1-2 მარტს.

ღონისძიება ჩატარდება სახალისო ფორმატში, სწავლა-კეთების მეთოდოლოგიაზე დაფუძნებული ინტერაქტიული ტრენინგის სახით, მონაწილეთა აქტიური ჩართულობით (პრეზენტაციები, ჯგუფური აქტივობები, როლური თამაშები).

ტრენინგი/კონკურსის ბოლოს ყველა მონაწილეს გადაეცემა სერტიფიკატი, გამარჯვებულებს კი პრიზები (I ადგილზე გასულ მოსწავლეს გადაეცემა 100%-იანი სასწავლო გრანტი).

მონაწილეობის მსურველები უნდა დარეგისტრირდნენ ბმულზე.

ან გამოაგზავნონ საკონტაქტო ინფორმაცია (სახელი, გვარი, მობილური) ნომერზე 598976625

უნივერსიტეტის სხვა ამბები