„განმსაზღვრელი – განმავითარებელი შეფასების კორექტირება“ – ცვლილება ელექტრონულ ჟურნალში

განათლების მართვის საინფორმაციო სისტემა საჯარო სკოლის მასწავლებლებისა და ადმინისტრაციის საყურადღებოდ 6 მარტს მნიშვნელოვან ინფორმაციას აქვეყნებს.

EMIS-ის ცნობით, ელექტრონულ ჟურნალში მნიშვნელოვანი განახლება განხორციელდა.

კერძოდ „მოთხოვნების“ მოდულში დაემატა ახალი ფუნქცია – „განმსაზღვრელი – განმავითარებელი შეფასების კორექტირება“.

რას გაძლევთ ეს ფუნქცია?

ახალი ფუნქცია იმ საგნის შეფასების კორექტირების შესაძლებლობას გაძლევთ, რომელიც ფასდება განმსაზღვრელი ან განმავითარებელი შეფასებით.

როგორ მუშაობს ფუნქცია?

თუ საგანი ფასდება განმსაზღვრელი შეფასებით – კორექტირებისას შეფასება შეიცვლება ქულით.

თუ საგანი ფასდება განმავითარებელი შეფასებით – შესაძლებელი იქნება განმავითარებელი შეფასების მითითება.

“განახლება შეფასებების კორექტირების პროცესს უფრო მარტივსა და მოქნილს გახდის. გთხოვთ, გაითვალისწინოთ აღნიშნული ცვლილება ელექტრონულ ჟურნალში მუშაობისას”, – განმარტავს განათლების მართვის საინფორმაციო სისტემა.