GE

გორის სახელმწიფო უნივერსიტეტი სტუდენტთა და პროფესორ-მასწავლებელთა საყურადღებოდ განცხადებას ავრცელებს

გორის სახელმწიფო უნივერსიტეტმა სტუდენტთა და პროფესორ-მასწავლებელთა საყურადღებოდ განცხადება გაავრცელა, რომელშიც ვკითხულობთ, რომ  გორის სახელმწიფო სასწავლო უნივერსიტეტში სასწავლო პროცესი განახლდება მიმდინარე წლის 16 მარტიდან, ონლაინ რეჟიმში https://zoom.us -ის პლატფორმაზე.

“პროცესი წარიმართება მოქმედი ცხრილის შესაბამისად, რომელიც განთავსებულია უნივერსიტეტის ვებ-გვერდზე. მისი თანმიმდევრულად და შეუფერხებლად წარმართვის მიზნით, საჭიროა ყველა სასწავლო კურსის წამყვან პროფესორ-მასწავლებელს გაუგზავნოთ თქვენი ელ-ფოსტა.

აკადემიური რეგისტრაცია იწარმოებს ასევე ონლაინ რეჟიმში. რეგისტრირებულ სასწავლო კურსებზე ხელშეკრულების ხილვის შესაძლებლობა სტუდენტს ექნება მოქმედ საუნივერსიტეტო ბაზაში.

ონლაინ რეგისტრაციის გავლის შემდეგ სტუდენტი ვალდებულია ფაკულტეტის დეკანს დაუდასტუროს (გაუგზავნოს) თანხმობა/უარი არჩეული სასწავლო კურსების თაობაზე.

ონლაინ სწავლისთვის თქვენ დაგჭირდებათ: ინტერნეტში ჩართული ნებისმიერი ტიპის კომპიუტერი ან ტელეფონი, მიკროფონით და კამერით .

ინსტრუქციას, როგორ ჩაერთოთ ონლაინ სწავლებაში და შეუერთდეთ ონლაინ ლექციებს შეგიძლიათ გაეცნოთ უნივერსიტეტის ვებ და fb გვერდებზე”, – აღნიშნულია უნივერსიტეტის მიერ გავრცელებულ განცხადებაში.

დასვით კითხვა და მიიღეთ პასუხი - ედუს საცნობარო სამსახური
გორის სახელმწიფო სასწავლო უნივერსიტეტი