გორის სახელმწიფო უნივერსიტეტში პირველკურსელთა რეგისტრაცია 2 სექტემბრიდან დაიწყება

გორის სახელმწიფო სასწავლო უნივერსიტეტში 2019-2020 სასწავლო წელს, კანონმდებლობით დადგენილი წესით, ერთიანი ეროვნული გამოცდების საფუძველზე საბაკალავრო პროგრამებზე ჩარიცხულ აბიტურიენტთა რეგისტრაციის (ხელშეკრულებების გაფორმება) ვადაა: 2019 წლის 2 სექტემბერი – 2019 წლის 12 სექტემბერი.

აბიტურიენტთა მიერ წარმოსადგენი დოკუმენტების ნუსხაა: 

• პირადობის მოწმობის დამადასტურებელი მოწმობის (პასპორტის) ასლი (დედნის წარმოდგენით);
• ორი ფოტოსურათი (3X4) და ფოტოსურათის ელექტრონული ვერსია CD-ზე;
• სამხედრო აღრიცხვას დაქვემდებარებული ვაჟებისათვის სამხედრო აღრიცხვაზე ყოფნის დამადასტურებელი დოკუმენტის ან სამხედრო ბილეთის (ასეთის არსებობის შემთხვევაში) ასლი;
• სრული ზოგადი განათლების დამადასტურებელი დოკუმენტის ნოტარიულად დამოწმებული ასლი;
• უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).