გორის უნივერსიტეტის გამარჯვებული პროექტის დახურვის ღონისძიება გაიმართა

მიმდინარე წლის 25 მარტს გორის სახელმწიფო უნივერსიტეტში გაიმართა 2023 წლის შოთა რუსთაველის საქართველოს ეროვნული სამეცნიერო ფონდის მიერ გამოცხადებული სახელმწიფო საგრანტო კონკურსში: „მეცნიერება იწყება სკოლიდან—კვლევები მოსწავლეთა მონაწილეობით“, გორის უნივერსიტეტის გამარჯვებული პროექტის „ანტიბიოტიკების, პესტიციდების და მძიმე მეტალების ზეგავლენა თაფლის ხარისხზე შიდა ქართლში“ (პროექტის შიფრი SCR-23-111) დახურვა.

პროექტში ჩართული იყო გორის მუნიციპალიტეტის კარალეთი #1, ქვემო სობისის, ბერშუეთის, ქვეშის და სვენეთის საჯარო სკოლების მოსწავლეები და პედაგოგები. მატერიალურ ბაზად (კაბინეტ ლაბორატორიები) გამოყენებული იყო გორის სახელმწიფო უნივერიტეტი.

პროექტი ფარავს გარემოს მდგრადი განვითარების 2, 3 4 და 15 მიზნებს და ეხება მეტად აქტუალურ თემას, თაფლის ეკოლოგიურ დაბინძურებას და ამ მიმართებით მოსწავლეების და ზოგადად მოსახლეობაში ცნობიერების დონის ამაღლებას.

პროექტის ხელმძღვანელი : გორის სახელმწიფო უნივერსიტეტის ასოცირებული პროფესორი თინათინ იოსებიძე, თანახელმძღვანელი: კარალეთის საჯარო სკოლის ქიმიის პედაგოგი ნელი ნაოჭაშვილი.