გორის უნივერსიტეტში სტუდენტებისთვის საერთაშორისო საზაფხულო სკოლა სტუდენტებისთვის

2024 წლის 22-27 ივლისს გორის სახელმწიფო უნივერსიტეტში განხორციელდება საერთაშორისო საზაფხულო სკოლა სტუდენტებისთვის, სადაც მონაწილეობას იღებენ ვარშავის უნივერსიტეტის (პოლონეთი), რეჯებ ტაიპ ერდოღანის უნივერსიტეტის (თურქეთი) მასარიკის უნივერსიტეტისა (ჩეხეთის რესპუბლიკა) და გორის სახელმწიფო უნივერსიტეტის სტუდენტები.

საზაფხულო სკოლის პროგრამა ითვალისწინებს სხვადასხვა ტიპის აკადემიურ, შემეცნებით და გასართობ ღონისძიებებს.

ღონისძიება გახსნა და სტუდენტებს შეხვდა გორის სახელმწიფო უნივერსიტეტის რექტორი, პროფესორი ალექსანდრე მღებრიშვილი, რომელმაც ისაუბრა საერთაშორისო საზაფხულო სკოლის ისტორიასა და მნიშვნელობაზე.

პროგრამით გათვალისწინებული აქტივობების ციკლი დაიწყო უნივერსიტეტის ჰუმანიტარულ მეცნიერებათა ფაკულტეტის პროფესორის, გორისა და კასპის მაჟორიტარ დეპუტატის, გიორგი სოსიაშვილის ლექციით. საუბარი შეეხო შოთა რუსთაველის საქართველოს ეროვნული სამეცნიერო ფონდის მიერ დაფინანსებული საერთაშორისო პროექტის “ვატიკანის Propaganda Fide-ს საისტორიო არქივში დაცული ქართული და საქართველოსთან დაკავშირებული წყაროების სამეცნიერო კვლევა” ფარგლებში აღმოჩენილ დოკუმენტებს, რომელიც ეხება საქართველოს საგარეო ურთიერთობებს დასავლეთთან.

როგრამის მიხედვით დაგეგმილია ქალაქის ღირსშესანიშნაობების, ეთნოგრაფიული მუზეუმისა და უფლისციხის მუზეუმ-ნაკრძალის დათვალიერება, ასევე სხვადასხვა კულტურულ-შემეცნებეთი აქტივობები.

პროექტი ხორციელდება გორის სახელმწიფო უნივერსიტეტის დიმიტრი ყიფიანის სახელობის საინიციატივო საზოგადოების აქტივობების ფარგლებში.