GRUNI-მ ტესტირების საერთაშორისო ცენტრის – Pearson VUE, აკრედიტაცია მიიღო
გრიგოლ რობაქიძის სახელობის უნივერსიტეტმა წარმატებით გაიარა ტესტირების საერთაშორისო ცენტრის – Pearson VUE, აკრედიტაციის პროცესი და მიიღო უფლება, ჩაატაროს საკვალიფიკაციო გამოცდები და როგორც პროფესიული განვითარების, ისე კარიერული წინსვლისათვის, საერთაშორისო სერტიფიკატი გასცეს.
უნივერსიტეტის მიერ 4 თებერვალს გამოქვეყნებული ინფორმაციით, გრუნიმ სრულად დააკმაყოფილა კომპანიის მიერ დადგენილი ყველა ტექნიკური, ინფრასტრუქტურული და ადმინისტრაციული მოთხოვნა, რაც საშუალებას მისცემს უნივერსიტეტს, ტესტირება განახორციელოს უსაფრთხო, გამჭვირვალე და საერთაშორისო სტანდარტების შესაბამის გარემოში და გამოცდების პროცესის სანდოობა მოიპოვოს.
Pearson VUE არის გლობალური ლიდერი კომპიუტერული ტესტირებისა და სერტიფიცირების სფეროში, რომელიც ოპერირებს 180-ზე მეტ ქვეყანაში და მსოფლიოს წამყვან ორგანიზაციებთან, უნივერსიტეტებსა და ტექნოლოგიურ კომპანიებთან თანამშრომლობს.
პროფესიული, აკადემიური და ლიცენზირების გამოცდები ტარდება ისეთ სფეროებში, როგორებიცაა:
- ინფორმაციული ტექნოლოგიები (IT);
- განათლება;
- ბიზნესი და მენეჯმენტი;
- პროფესიული სერტიფიცირება და ლიცენზირება.
Pearson VUE-ის მიერ გაცემული სერტიფიკატი საერთაშორისო ბაზარზე მაღალი ნდობით სარგებლობს და აღიარებულია დამსაქმებლებისა და საგანმანათლებლო ინსტიტუციების მიერ.
-
GRUNI-ს სტუდენტებისთვის საჯარო ლექცია – „მწვანე ბიზნესმოდელები: ტრენდი თუ პასუხისმგებლობა?“ გაიმართა
by გრიგოლ რობაქიძის უნივერსიტეტი
-
GRUNI-ში აბიტურიენტებისთვის ღია კარის დღე გაიმართება
by გრიგოლ რობაქიძის უნივერსიტეტი
-
GRUNI-ში გარე მობილობა იწყება – რეგისტრაციის ვადები და პირობები
by გრიგოლ რობაქიძის უნივერსიტეტი