GRUNI-მ თურქულ კომპანიასთან თანამშრომლობის მემორანდუმი გააფორმა

გრიგოლ რობაქიძის უნივერსიტეტმა თურქულ კომპანიასთან — „SDATAM BİLİŞİM TEKNOLOJİLERİ ve GÜVENLİĞİ LTD.ŞTİ“ თანამშრომლობის მემორანდუმი გააფორმა.

უნივერსიტეტის მიერ 4 მარტს გამოქვეყნებული ინფორმაციით, მემორანდუმის მიზანია სამეცნიერო, აკადემიური და პროფესიული თანამშრომლობის გაძლიერება, სტუდენტებისათვის პრაქტიკული გამოცდილების მიღების ხელშეწყობა და სასწავლო პროგრამების შესაბამისობაში მოყვანა თანამედროვე ინდუსტრიულ მოთხოვნებთან.

თანამშრომლობა მოიცავს:

• სტუდენტებისთვის სტაჟირების, პრაქტიკისა და სამუშაოზე დაფუძნებული სწავლების შესაძლებლობების შექმნას;
• სასწავლო პროგრამების განახლებას, ინდუსტრიის თანამედროვე ტენდენციების გათვალისწინებით;
• ტრენინგების, სემინარებისა და ვორკშოპების ორგანიზებას;
• ერთობლივი პროექტებისთვის ლაბორატორიული და ტექნოლოგიური რესურსების გაზიარებას;
• კურსდამთავრებულთა დასაქმებისა და მენტორინგის შესაძლებლობების განხილვას.

შეთანხმება ქმნის საფუძველს უნივერსიტეტსა და კომპანიას შორის გრძელვადიანი, შედეგზე ორიენტირებული თანამშრომლობისთვის.

უნივერსიტეტის სხვა ამბები