GRUNI-ს პროფესორი ევროპის იურიდიული ფაკულტეტების ასოციაციის ყოველწლიურ კონფერენციაში მონაწილეობდა

გრიგოლ რობაქიძის უნივერსიტეტის პროფესორი, სამართლის დოქტორი ნინო ლიპარტია, უნივერსიტეტის მხარდაჭერით, ევროპის იურიდიული ფაკულტეტების ასოციაციის (ELFA) ყოველწლიურ კონფერენციაში მონაწილეობდა.

უნივერსიტეტის მიერ 8 მაისს გამოქვეყნებული ინფორმაციით, კონფერენციას ესპანეთმა, კერძოდ ბილბაომ (დეუსტო) უმასპინძლა, წლევანდელი ფორუმი კი მრავალფეროვანი თემატიკით გამოირჩეოდა და სამართლის სფეროში ხელოვნური ინტელექტის (AI) გამოყენების შესაძლებლობებსა და გამოწვევებს დაეთმო:

• ხელოვნური ინტელექტის ინტეგრაცია იურიდიულ განათლებაში;
• AI-ის გამოყენების პრაქტიკული შესაძლებლობები სამართლის სფეროში;
• ტექნოლოგიის სწრაფ განვითარებასთან დაკავშირებული რისკები და გამოწვევები;
• სამართლებრივი განათლების ტრანსფორმაცია AI-ის ეპოქაში.

კონფერენციამ შექმნა მნიშვნელოვანი პლატფორმა საერთაშორისო აკადემიური თანამშრომლობის გასაღრმავებლად და ახალი პარტნიორების შესაძენად – გრუნისთან თანამშრომლობის სურვილი 20-მდე უნივერსიტეტის წარმომადგენელმა გამოთქვა.

აღსანიშნავია ისიც, რომ გრიგოლ რობაქიძის უნივერსიტეტი ELFA-ს წევრი არის 2012 წლიდან, რაც სტუდენტებისა და აკადემიური პერსონალისთვის ევროპულ საგანმანათლებლო სივრცეში ინტეგრაციის მუდმივი შესაძლებლობაა.

უნივერსიტეტის სხვა ამბები