GRUNI-ს პროფესორი ევროპის პედიატრიული აკადემიის ყოველწლიურ ფორუმში მონაწილეობდა

30 აპრილიდან 3 მაისის ჩათვლით, თბილისში გაიმართა ევროპის პედიატრიული აკადემიის ყოველწლიური ფორუმი და მასტერკლასი, რომლის მუშაობაშიც, აკადემიის „ეროვნული წევრის“ სტატუსით, გრიგოლ რობაქიძის უნივერსიტეტის მედიცინის სამეცნიერო-კვლევითი ცენტრის ხელმძღვანელი, პროფესორი ლიანა სირაძე მონაწილეობდა.

უნივერსიტეტის მიერ 6 მაისს გამოქვეყნებული ინფორმაციით, გრუნის პროფესორმა ფორუმზე წარადგინა უნივერსიტეტის მედიცინის სამეცნიერო-კვლევითი ცენტრის მიერ განხორციელებული კვლევა, რომელიც მძიმე მეტალით მოწამვლის ადრეული დიაგნოსტიკის ლაბორატორიულ ნიშნულებსა და ეროვნული მასშტაბით პრევენციის რეკომენდაციას ეხება.

კვლევა, რომელმაც ფორუმის მონაწილეთა მოწონება დაიმსახურება, აკადემიის პრესტიჟულ სამეცნიერო ჟურნალში – „Acta Paediatrica“ გამოქვეყნდება.

უნივერსიტეტის სხვა ამბები