GRUNI-ს წარმომადგენლები ქალაქ რენში გამართულ ქართულ-ფრანგულ სასწავლო კვირეულში მონაწილეობდნენ

გრიგოლ რობაქიძის უნივერსიტეტის რექტორის მრჩეველი – ანა აბესაძე და ბათუმის წარმომადგენლობის ხელმძღვანელის მოადგილე ხარისხის უზრუნველყოფისა და სტუდენტური მხარდაჭერის საკითხებში – გუგული თურმანიძე, 16–20 მარტს, ქალაქ რენში გამართულ ქართულ-ფრანგულ სასწავლო კვირეულში მონაწილეობდნენ.

უნივერსიტეტის მიერ 8 აპრილს გამოქვეყნებული ინფორმაციით, ინტენსიური სასწავლო პროგრამა მიზნად ისახავდა საუკეთესო საერთაშორისო პრაქტიკის გაზიარებას, მობილობის განვითარების ხელშეწყობასა და აკადემიური თანამშრომლობის გაღრმავებას.

კვირეულს მასპინძლობდა რენის უნივერსიტეტი, ხოლო ღონისძიება დაფინანსებული იყო ევროკავშირის მიერ.

ქართულ-ფრანგულმა სასწავლო კვირეულმა კიდევ ერთხელ დაადასტურა ორი ქვეყნის უმაღლესი განათლების სექტორებს შორის მტკიცე პარტნიორობა და მობილობისა და გრძელვადიანი აკადემიური თანამშრომლობისთვის ახალი შესაძლებლობები გახსნა.

უნივერსიტეტის სხვა ამბები