GRUNI-ში სკოლის ლიდერებისთვის პროფესიული განვითარების ონლაინტრენინგი გაიმართა

5 მარტს, გრიგოლ რობაქიძის უნივერსიტეტში, ზოგადსაგანმანათლებლო სკოლების ხელმძღვანელებისა და მენეჯერებისათვის, პროფესიული განვითარების ონლაინტრენინგი „AI ინსტრუმენტები სკოლის ლიდერებისთვის: ლიდერობის გაძლიერება ციფრულ ეპოქაში“ გაიმართა.

უნივერსიტეტის მიერ გამოქვეყნებული ინფორმაციით, ტრენინგი ინგლისურ ენაზე მიმდინარეობდა და მასში გრუნის პარტნიორები: თბილისის, ქუთაისის, ჭიათურის, გეგუთის, წყალტუბოს საჯარო სკოლების დირექტორები და მენეჯერები მონაწილეობდნენ.

ტრენინგს უძღვებოდა ჯოშუა მაკლივერი – ინგლისური ენის სპეციალისტი და არიზონას უნივერსიტეტის ინსტრუქტორი, რომელიც საქართველოში, English Language Specialist Program-ის ფარგლებში იმყოფება.

აღნიშნული პროგრამა ხელს უწყობს საერთაშორისო თანამშრომლობასა და პროფესიულ განვითარებას ინგლისური ენის სწავლებისა და ლიდერობის სფეროში.

ტრენინგის მონაწილეები გაეცნენ AI ინსტრუმენტებს, რომლებიც სკოლების ადმინისტრაციას გადაწყვეტილებების მიღებაში, კომუნიკაციის გაუმჯობესებაში, სტრატეგიულ დაგეგმვასა და ციფრული ტრანსფორმაციის ეფექტიან მართვაში დაეხმარება.

უნივერსიტეტის სხვა ამბები