GRUNI-ში, TESOL პროგრამის კურსდამთავრებული პედაგოგებისთვის ტრენინგი გაიმართა

6 მარტს, გრიგოლ რობაქიძის უნივერსიტეტში, TESOL პროგრამის კურსდამთავრებული პედაგოგებისათვის, პროფესიული განვითარების ტრენინგი გაიმართა.

უნივერსიტეტის მიერ გამოქვეყნებული ინფორმაციით, ტრენინგი ჩატარდა პროგრამის – English Language Specialist ფარგლებში და მას არიზონას უნივერსიტეტის ინსტრუქტორი, ჯოშუა მაკლევერი უძღვებოდა.

ტრენინგის – „Large Language Models in the Classroom: Where We Stand, What We Can Gain, and Best Practices for Their Use“, მონაწილეებმა განიხილეს დიდი ენობრივი მოდელების (LLMs), მათ შორის, ChatGPT-ის საფუძვლები, ისაუბრეს ხელოვნურ ინტელექტზე გადაჭარბებული დამოკიდებულების შესაძლო რისკების შესახებ, გაეცნენ სასწავლო პროცესში AI-ის გამოყენების საუკეთესო პრაქტიკას პედაგოგიური და ეთიკური სტანდარტების დაცვით.

მონაწილეებს გადაეცათ სერტიფიკატები.

ტრენინგების კვირეულმა კიდევ ერთხელ დაადასტურა GRUNI-ს ერთგულება განათლების სფეროში პროფესიული განვითარების მხარდაჭერისა და საერთაშორისო აკადემიური თანამშრომლობის გაძლიერების მიმართ.

უნივერსიტეტის სხვა ამბები