ილიაუნი განათლების მე-11 საერთაშორისო გამოფენაზე

27 – 28 მაისს ესტუმრეთ IEFG განათლების საერთაშორისო გამოფენაზე ილიაუნის ვირტუალურ სტენდს.

Live-საინფორმაციო შეხვედრები საბაკალავრო, სამაგისტრო პროგრამების შესახებ – ფაკულტეტებისა და პროგრამების წარმომადგენლები თქვენ შეკითხვებს უპასუხებენ;

ფიზიკის, სიცოცხლის შემსწავლელი მეცნიერებებისა და დედამიწის შემსწავლელი მეცნიერებების თემატურ ოთახებში ილიაუნის პროფესორებისა და მკვლევრების ინტერაქტიულ სამეცნიერო-პოპულარულ შეხვედრებზე დასწრებას შეძლებთ თეორიული ასტროფიზიკის, ბიოფიზიკის, ნანოტექნოლოგიების, ასტრონომიისა და ახლო კოსმოსის, პალეოგარემოს, გეოლოგიის, მიწისძვრების, ეკოლოგიისა და ევოლუციის, მოლეკულური ნეირომეცნიერებების, ნეირობიოლოგიის მიმართულებით;

მომავლის პროფესიები და ილიაუნის ინოვაციების სივრცეების კიბერლაბორატორია UniLab • უნილაბი; სამრეწველო ინოვაციების ლაბორატორია Fablab Iliauni • ფაბლაბ ილიაუნი-ს წარმომადგენლებისგან იმ საგანმანათლებლო შესაძლებლობებზე შეიტყობთ, რომელსაც ეს სივრცეები დღეს მომავლის პროფესიების მიმართულებით თქვენთვის ქმნიან – სტუდენტები და მოსწავლეები კი ლაბორატორიების ბაზაზე განხორციელებულ ტექნოლოგიურ პროექტებს გაგაცნობენ;

გაცვლითი პროგრამებისა და სწავლის საზღვარგარეთ გაგრძელების შესაძლებლობებზე ილიაუნის საერთაშორისო ურთიერთობების ოფისის წარმომადგენლები მოგიყვებიან.

ასევე გაიმართება პანელური დისკუსიები აქტუალურ თემატიკაზე:

• პანელური დისკუსია თემაზე: „ქალები ინჟინერიასა და ტექნოლოგიებში”
• პანელური დისკუსია თემაზე: „ხელოვნური ინტელექტი“
• პანელური დისკუსია თემაზე: „ვინ აშენებს ქალაქებს”
• პანელური დისკუსია თემაზე: „რატომ უნდა ვისწავლოთ ინჟინერია”

დეტალური განრიგი