კომუნიზმის შავი წიგნი უკვე ქართულად

საერთაშორისო ბესტსელერი „კომუნიზმის შავი წიგნი – დანაშაულები, ტერორი, რეპრესია“ – ფრანგ მეცნიერთა ჯგუფის მიერ შექმნილი წიგნია, რომელიც აღწერს კომუნისტური სახელმწიფოების მიერ განხორციელებული რეპრესიების ისტორიას. წიგნი გამოიცა საფრანგეთში 1997 წელს. “კომუნიზმის შავი წიგნი“ ნათარგმნია უამრავ ენაზე, აღნიშნული წიგნი ილიას სახელმწიფო უნივერსიტეტის გამომცემლობამ საბჭოთა და პოსტსაბჭოთა კვლევითი და სასწავლო პროგრამის ფარგლებში თარგმნა და გამოსცა.

პრეზენტაციას დაესწრო პროფესორი სერგო რატიანი, რომელმაც განაცხადა: “ეს პირველი წიგნია, რომელიც ასახავს მეოცე საუკუნეში არსებული კომუნისტური რეჟიმის დანაშაულს. უახლესი ისტორია შესწავლისა და გაცნობიერების გარეშე ვერ გადაიქცევა წარსულად”.