კორონავირუსის მორიგი დადასტურებული შემთხვევა თელავის ერთ-ერთ საბავშვო ბაღში
თელავის ერთ-ერთ საბავშვო ბაღში კორონავირუსი დაწესებულების თანამშრომელსა და მის მცირეწლოვან შვილს დაუდასტურდა.
კორონავირუსის შემთხვევების გამო ბაღში გახანგრძლივებული სწავლების ორი ჯგუფი სრულად დაკეტილია. თელავის ბაგა- ბაღების გაერთიანების დირექტორ ია ლუარსაბიშვილის განმარტებით, ჯგუფები 13 დღის განმავლობაში, თვითიზოლაციაში იქნებიან.
“ორივე ჯგუფში ირიცხება დაახლოებით 60 აღსაზრდელი, თუმცა რეალურად დადიოდა 20 ბავშვი. ყველა თვითიზოლაციაშია და დარჩებიან სახლში, თვითდაკვირვების რეჟიმში. ასევე ჯგუფის ძიძაც. რაც შეეხება ინფიცირებული დედა-შვილის ჯანმრთელობას, მათი მდგომარეობა დამაკმაყოფილებელია და ორივე ექიმის მეთვალყურეობის ქვეშ იმყოფება. დეზინფექცია ბაღში უკვე ჩავატარეთ და კიდევ ვაპირებთ”- აცხადებს ია ლუარსაბიშვილი.
თელავის კიდევ ორ საბავშვო ბაღში 88 აღსაზრდელი და 9 აღმზრდელი თვითიზოლაციაში იმყოფება.
წყარო: knews.ge
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19