მასწავლებელთა გამოცდაზე 30 ათასი აპლიკანტი დარეგისტრირდა, აქედან 10 000 მასწავლებლობის მსურველია

განათლების, მეცნიერების, კულტურის და სპორტის მინისტრის მოადგილე ირინა აბულაძის ინფორმაციით, მასწავლებელთა და მასწავლებლობის მსურველთა ზაფხულის გამოცდაზე უპრეცედენტო რაოდენობის აპლიკანტი დარეგისტრირდა.

“გამოცდაზე დარეგისტრირებულია 30 000 ადამიანი, ასეთი რიცხვი არასდროს ყოფილა. მათგან 10 ათასია ისეთი, ვინც არ ასწავლიან სკოლებში და სურვილი აქვთ შევიდნენ. რაც შეეხება პენსიონერ პედაგოგებს, რომლებმაც სურვილი გამოთქვეს დაწესებული ჯილდოს მიღების და სისტემის დატოვების, ინიციატივის გაჟღერებიდან ორი კვირის ვადაში, მათი რიცხვი 5000-ს უახლოვდება”, – განაცხადა ირინა აბულაძემ.

მოამზადა თამთა ვირსალაძემ