მასწავლებლის მომზადების საგანმანათლებლო პროგრამაზე ჩარიცხულ პირთა სწავლის დაფინანსებისთვის 3 მილიონზე მეტი გამოიყო – 2023-2024 სასწავლო წელი

2023-2024 სასწავლო წლისათვის მასწავლებლის მომზადების საგანმანათლებლო პროგრამაზე ჩარიცხულ პირთა დაფინანსების მოცულობისა და ოდენობის დამტკიცების შესახებ მთავრობის დადგენილების თანახმად, მასწავლებლის მომზადების საგანმანათლებლო პროგრამაზე ჩარიცხულ პირთა სწავლის დაფინანსებისთვის 3 მილიონ ლარზე მეტი გამოიყო.

“მასწავლებლის მომზადების საგანმანათლებლო პროგრამაზე ჩარიცხული პირების განათლების მიღების ხელშეწყობის მიზნით: 2023-2024 სასწავლო წლისათვის მასწავლებლის მომზადების საგანმანათლებლო პროგრამაზე ჩარიცხულ პირებზე გასაცემი სახელმწიფო სასწავლო გრანტის წლიური მოცულობა განისაზღვროს 3,200,000.00 ლარის ოდენობით”, – წერია დღეს, 8 აგვისტოს გამოქვეყნებულ დადგენილებაში, რომელსაც ხელს აწერს პრემიერ-მინისტრი, ირაკლი ღარიბაშვილი.

2023-2024 სასწავლო წლისათვის მასწავლებლის მომზადების საგანმანათლებლო პროგრამაზე ჩარიცხულ პირზე გასაცემი სახელმწიფო სასწავლო გრანტის მაქსიმალური ოდენობა (შემდგომში – სახელმწიფო სასწავლო გრანტის ოდენობა) განისაზღვრა შემდეგი ოდენობების მიხედვით:

იხილეთ ცხრილი: გრანტის მაქსიმალური ოდენობები

დადგენილებაში აღნიშნულია, რომ თუ მასწავლებლის მომზადების საგანმანათლებლო პროგრამაზე, კერძო სამართლის იურიდიული პირის – უმაღლესი საგანმანათლებლო დაწესებულების მიერ დადგენილი სწავლის საფასური აღემატება შესაბამისი სახელმწიფო სასწავლო გრანტის ოდენობას, სახელმწიფო მასწავლებლის მომზადების საგანმანათლებლო პროგრამაზე ჩარიცხული პირის სწავლის საფასურს დაფარავს მხოლოდ შესაბამისი სახელმწიფო სასწავლო გრანტის ოდენობის ფარგლებში.

გარდა ამისა, თუ მასწავლებლის მომზადების საგანმანათლებლო პროგრამაზე უმაღლესი საგანმანათლებლო დაწესებულების მიერ დადგენილი სწავლის საფასური ნაკლებია შესაბამის სახელმწიფო სასწავლო გრანტის ოდენობაზე, სახელმწიფო სასწავლო გრანტის ოდენობა გაუტოლდება მასწავლებლის მომზადების საგანმანათლებლო პროგრამის საფასურს.

ასევე იხილეთ:

„მსურველთა დიდი ნაწილი ახალგაზრდა თაობაა“ – თუ მასწავლებლის მომზადების 60-კრედიტიანი პროგრამის გავლას გეგმავ