მე-8 პენიტენციურ დაწესებულებაში ეთნიკურ უმცირესობებს ქართული ენის სწავლა შეეძლებათ
მსჯავრდებულთა პროფესიული მომზადებისა და გადამზადების ცენტრი, საზოგადოებრივი მაუწყებლის მხარდაჭერით, მერვე პენიტენციურ დაწესებულებაში მყოფი ეთნიკური უმცირესობების წარმომადგენლებისთვის სახელმწიფო ენის შემსწავლელ კურსს გეგმავს.
პენიტენციური დაწესებულების სატელევიზიო სიხშირეზე ტელესკოლის ქართული ენის ვიდეოგაკვეთილები გავა. აღნიშნულ მასალებზე წვდომა კი, ყველა დაინტერესებულ მსჯავრდებულს ექნება.
„მსჯავრდებულთა პროფესიული მომზადებისა და გადამზადების ცენტრი, საზოგადოებრივი მაუწყებლის მხარდაჭერით, N8 პენიტენციურ დაწესებულებაში მყოფი ეთნიკური უმცირესობების წარმომადგენლებისთვის სახელმწიფო ენის შემსწავლელ კურსს იწყებს. პროექტის ფარგლებში, პენიტენციური დაწესებულების სატელევიზიო სიხშირეზე ტელესკოლის ქართული ენის ვიდეოგაკვეთილები გავა. სასწავლო კურსი საზოგადოებრივი მაუწყებლის პროექტის ფარგლებში, სპეციალურად ეთნიკური უმცირესობების წარმომადგენლებისთვის მომზადდა. აღნიშნულ მასალებზე წვდომა, კი ყველა დაინტერესებულ მსჯავრდებულს ექნება“, – ნათქვამია იუსტიციის სამინისტროს მიერ 28 მაისს გავრცელებულ განცხადებაში.
აღნიშნულმა პროექტმა, ჩანაფიქრის მიხედვით, მსჯავრდებულებს შესაძლებლობა უნდა მისცეს, სახელმწიფო ენა შეისწავლონ.
- „განათლების სამინისტრო ამჯერად ხარისხის განვითარების ცენტრის მეშვეობით ემუქრება უნივერსიტეტებს“ by ARIS.GE-განათლება
- გვერდი 09:00 საათიდან ჩაირთვება – როგორ დავარეგისტრიროთ პირველკლასელი ონლაინ 20 მაისიდან by ARIS.GE-განათლება
- „გამოცდიდან გაფრთხილების გარეშე მოიხსნებით“ – წესები, რომლებიც აბიტურიენტმა ტესტირების მიმდინარეობისას უნდა დაიცვას by სიახლეები მისაღებ გამოცდებზე