მოსწავლეთა ოლიმპიადის პირველი ტურის შედეგები და II ტურში გამსვლელი ქულები – 2023-2024 სასწავლო წელი

2023-2024 სასწავლო წლის ეროვნული სასწავლო ოლიმპიადის პირველი ტურის შედეგები უკვე ცნობილია და მისი ნახვა შეუძლია ოლიმპიადაში ჩართული სკოლების ადმინისტრაციას ამ ბმულის საშუალებით (შედეგების სანახავად პირველ ველში უნდა შეიყვანოთ ოთხნიშნა, ხოლო მეორე ველში ცხრანიშნა კოდი).

ამასთან გამოქვეყნდა:

მეორე ტურში გამსვლელი მინიმალური ქულები საგნების მიხედვით
პირველი ტურისათვის თითოეულ საგანში შედგენილი ტესტის მაქსიმალური ქულები

როგორც შეფასებისა და გამოცდების ეროვნული ცენტრი დღეს გამოქვეყნებულ ინფორმაციაში განმარტავს, ინფორმაციას იმის თაობაზე, თუ რომელ ადგილას მოხვდა რეიტინგულ სიაში, მოსწავლეს საკუთარი სკოლის ადმინისტრაცია მიაწვდის.

“პირველი ტურის გამარჯვებულია ის მონაწილე, რომელმაც დააგროვა ამა თუ იმ საგნის ტესტის მაქსიმალური ქულის არანაკლებ 60%-ისა და მოხვდა შესაბამისი კლასისა და საგნის რეიტინგული სიის პირველ 1000 მოსწავლეს შორის (ან მისი ქულა ემთხვევა რეიტინგულ სიაში მეათასე ადგილზე მყოფის ქულას)”, – განმარტავენ NAEC-ში.