„ორბელიანის აკადემია“ განაგრძობს მოსწავლეთა მხარდაჭერას
![](https://edu.aris.ge/news/wp-content/uploads/2024/04/Cover-458x257.png)
დღესდღეობით, სკოლის მოსწავლეებში, საკმაოდ დიდ როლს თამაშობს არაფორმალური განათლება და მისდამი ინტერესი მზარდია.
არაფორმალური განათლება მოსწავლეებს საშუალებას აძლევს დაკავდნენ სკოლის გარე აქტივობებით, ისწავლონ, შეიძინონ და განავითარონ ახალი უნარ-ჩვევები და ამასთან, მოემზადონ ისეთი გამოწვევისთვის, რასაც სტუდენტობა ჰქვია.
სწორედ ამ მიზანს ემსახურება „ორბელიანის აკადემია“, რომელიც სულხან-საბა ორბელიანის უნივერსიტეტის ბაზაზე 2017 წელს შეიქმნა და საქართველოს მასშტაბით ათასობით სკოლის მოსწავლეს აერთიანებს.
როდესაც, ვსაუბრობთ სკოლის მოსწავლეებზე და მათ განვითარებაზე, აუცილებელია ვახსენოთ სულხან-საბა ორბელიანის უნივერსიტეტისა და „ორბელიანის აკადემიის“ მთვარი ღირებულებები, რომელიც საქმიანობის ძირითად ფუნდამენტს წარმოადგენს: თავისუფლება, თანასწორობა, თანაგრძნობა, მრავალფეროვნება, შემოქმედებითობა, ხარისხზე ორიენტირი, გამჭირვალობა, ნდობა და ინკლუზიურობა.
„ორბელიანის აკადემიის“ მიზანია ამ ღირებულებებზე დაყრდნობით, სოციალური პასუხისმგებლობის ფარგლებში, ყველა მოსწავლისთვის, თანაბრად ხელმისაწვდომი გახადოს ისეთი პროექტები, როგორიცაა:
- პროფესიული ორიენტაცია – სამართლის, ბიზნესის, ტურიზმის, საერთაშორისო ურთიერთობების, პოლიტიკის მეცნიერებების, ფსიქოლოგიის, სოციოლოგიის, ინგლისური ფილოლოგიისა და თეოლოგიის მიმართულებით;
- კარიერის დაგეგმვა, პროექტების წერა;
- საზღვარგარეთ სწავლის შესაძლებლობები, გაცვლითი პროგრამები;
- იმიტირებული სასამართლო პროცესი;
- დებატების ჩემპიონატი;
- ესეების კონკურსი;
- მოსწავლეთა და მასწავლებელთა კონფერენციები;
- საზაფხულო ბანაკი;
- ოლიმპიადები.
„ორბელიანის აკადემიის“ საქმიანობაში ჩართულები არიან, სულხან-საბა ორბელიანის უნივერსიტეტის პრაქტიკოსი და პროფესიონალი ლექტორები, დარგის წამყვანი სპეციალისტები და სტუდენტები, რომლებსაც აქტიური და მრავალფეროვანი სტუდენტური ცხოვრების გამოცდილება აქვთ.
-
სულხან-საბა ორბელიანის უნივერსიტეტის იურისტმა იაშის უნივერსიტეტის (რუმინეთი) საერთაშორისო კვირეულში მიიღო მონაწილეობა by სულხან-საბა ორბელიანის უნივერსიტეტი
-
ორბელიანის აკადემიის ორგანიზებით, საბაუნიში იმიტირებული სასამართლო პროცესი ჩატარდა by სულხან-საბა ორბელიანის უნივერსიტეტი
-
საბაუნის „მცირე სამეწარმეო იდეების“ კონკურსის გამარჯვებულები ცნობილია by სულხან-საბა ორბელიანის უნივერსიტეტი