„ქვეყნის მთავარ გამოწვევად განათლებას საქართველოს მოსახლეობის 1% მიიჩნევს“ – IRI

საერთაშორისო რესპუბლიკური ინსტიტუტის (IRI) კვლევების ცენტრის მიერ დღეს გამოქვეყნებული კვლევის შედეგების მიხედვით, ქევეყნის ინსტიტუტების ნდობის მიხედვით განათლების სამინისტრო მე-5 ადგილზეა.

რაც შეეხება ნდობას, განათლების ინსტიტუტს გამოკითხული მოსახლეობის 49% ენდობა, 42% კი არა.

IRI-ს კვლევაში ცალკეა გამოყოფილი ის მიმართულებები, რომლებსაც მოსახლეობა ქვეყნისთვის მთავარ გამოწვევად აღიქვამს. როგორც კვლევა აჩვენებს, ქვეყანაში არსებულ მთავარ გამოწვევად განათლებას 1% მიიჩნევს.

შეგახსენებთ, რომ კვლევა ბალტიის კვლევების / გელაპის ორგანიზაციის მიერ საერთაშორისო რესპუბლიკური ინსტიტუტის კვლევების ცენტრის დავალებით ჩატარდა. მონაცემთა შეგროვება 2018 წლის 10-22 აპრილის შუალედში მოხდა და საარჩევნო უფლების მქონე 1 500 საქართველოს მოქალაქე გამოიკითხა. გამოკითხვის ცდომილების ზღვარი +/- 2.5 პროცენტია.

მოამზადა გვანცა ღვედაშვილმა