რა შემთხვევაში და სად უნდა წარადგინოს აპლიკანტმა დოკუმენტაცია – მასწავლებლის გამოცდები 2026

მასწავლებლებისა და მასწავლებლობის მსურველებისთვის განკუთვნილ 2026 წლის გამოცდებზე რეგისტრაციის გავლა 6 მაისის 18:00 საათამდეა შესაძლებელი, თუმცა სავალდებულოა, რომ 4 მაისის 18:00 საათამდე, აპლიკანტებმა გამოცდების საფასური გადაიხადონ (არანაკლებ ერთი გამოცდის).

შეფასებისა და გამოცდების ეროვნული ცენტრი (NAEC) ასევე განმარტავს, რომ აპლიკანტს, რომელსაც სპეციალური საგამოცდო პირობები სჭირდება, კონკრეტული დოკუმენტის წარდგენის ვალდებულება აქვს.

სად და რა ვადაში უნდა წარადგინოთ დოკუმენტაცია:

კანდიდატებმა, რომელთაც სპეციალური საგამოცდო პირობები სჭირდებათ, რეგისტრაციის პროცესში უნდა მონიშნონ შესაბამისი გრაფა და 6 მაისის 18:00 საათამდე ჯანმრთელობის დამადასტურებელი დოკუმენტი (ფორმა N IV-100ა) შეფასებისა და გამოცდების ეროვნულ ცენტრში ან შესაბამის საგანმანათლებლო რესურსცენტრში წარადგინონ.

შეგახსენებთ, 2026 წლიდან მასწავლებლებსა და მასწავლებლობის მსურველებს უფლება აქვთ, ნაცვლად ერთი საგნის გამოცდისა, დარეგისტრირდნენ და ჩააბარონ არაუმეტეს სამი საგნის გამოცდა და აგრეთვე, უფროსი სპეციალური მასწავლებლისა და საბაზო პროფესიული უნარების გამოცდები.

ასევე იხილეთ:

მასწავლებლებისა და მასწავლებლობის მსურველთა გამოცდები 2026 – მოსამზადებელი დამხმარე რესურსები – კრებულები და სასწავლო პროგრამები