რა ვადით გაიცემა სახელმწიფო სასწავლო გრანტი? – პასუხი 2024 წლის აბიტურიენტებს
სასწავლო გრანტი სახელმწიფოსგან გარკვეული ვადით გაიცემა თუ მთლიანი სასწავლო პროცესისთვის? – ასე ჟღერდა 2024 წლის აბიტურიენტის კითხვა შეფასებისა და გამოცდების ეროვნული ცენტრის მიმართ, რომელიც აპრილში გამართული ღია კარის დღის ფარგლებში დაისვა.
შეკითხვას გამოცდების ცენტრის წარმომადგენელმა უპასუხა და სხვადასხვა მიმართულებები განმარტა:
“4-წლიანი სახელმწიფო სასწავლო გრანტი გაიცემა ჩვეულებრივ საგანმანათლებლო პროგრამაზე. ხუთწლიანი სასწავლო გრანტი გაიცემა დიპლომირებულ სტომატოლოგზე, ვეტერინარიაზე და მასწავლებელთა ხუთწლიან საგანმანათლებლო პროგრამაზე, (როგორც საბაკალავრო, ისე სამაგისტრო) და ექვსწლიანი სახელმწიფო სასწავლო გრანტი გაიცემა დიპლომირებულ მედიკოსზე”, – განაცხადა მაია გაბუნიამ.
რაც შეეხება ქართულ ენაში მომზადების საგანმანათლებლო პროგრამას, შეფასებისა და გამოცდების ეროვნული ცენტრის საგამოცდო პროცესების მართვის სამსახურის უფროსმა განმარტა, რომ ქართულ ენაში მომზადების საგანმანათლებლო პროგრამა ერთწლიანია და ამ ერთი წლის შემდგომ, სტუდენტს მიღებული გრანტი მიჰყვება იმდენი წლის განმავლობაში, რამდენიც საჭიროა იმ პროგრამაზე სწავლისათვის, სადაც ის სწავლას განაგრძობს.
ასევე იხილეთ:
გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე
- ცნობილია – რომელი დავალება იქნება რთული 2024 წლის აბიტურიენტის ხელოვნების ტესტში by ARIS.GE-განათლება
- „ისტორიაში აბიტურიენტები ტექნიკურ და შინაარსობრივ შეცდომებს უშვებენ“ – რას გვირჩევენ გამოცდების ცენტრის სპეციალისტები by რჩევები
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები