„რელიგია, ნაციონალიზმი და სახელმწიფო“ – საბაუნიში საჯარო ლექცია გაიმართება

18 თებერვალს, 16:00 საათზე, სულხან-საბა ორბელიანის უნივერსიტეტის თეოლოგიის ფაკულტეტის ორგანიზებით, საჯარო ლექცია, თემაზე – „რელიგია, ნაციონალიზმი და სახელმწიფო“ ჩატარდება.

ლექციას სულხან-საბა ორბელიანის უნივერსიტეტის ასოცირებული პროფესორი ნუგზარ ბარდაველიძე გაუძღვება.

ლექციაზე განხილული იქნება:

• რა განსხვავებაა ეროვნულ და მსოფლიო რელიგიებს შორის;
• როგორ ყალიბდება რელიგიურ გაერთიანებებსა და სახელმწიფოს შორის თანამშრომლობა;
• სად გადის ზღვარი პიროვნების კონფესიურობასა და ეროვნულობას შორის;
• არსებობს თუ არა ისლამური ნაციონალიზმი;
• არსებობს კი თვითიდენტიფიკაციური სხვაობა ერთი ეროვნების, მაგრამ განსხვავებული აღმსარებლობის წარმომადგენელთა შორის;
• როგორი უნდა იყოს სახელმწიფოსა და რელიგიურ ინსტიტუტებს შორის ურთიერთობა;
• რა ცვლილებები მოუტანა თანამედროვე გლობალურმა სამყარომ ტრადიციულ რელიგიურ გაერთიანებებს.

უნივერსიტეტის სხვა ამბები