როდის დაიწყება თბილისის საჯარო ბაგა-ბაღებში აღსაზრდელთა რეგისტრაცია? – სააგენტოს პასუხი
თბილისის საჯარო ბაგა-ბაღებში აღსაზრდელთა ელექტრონული რეგისტრაცია ივნისის შუა რიცხვებში დაიწყება და როგორც გასულ წლებში, ამ ჯერზეც ორ ეტაპად წარიმართება. პირველ ეტაპზე პრიორიტეტულად განსაზღვრული კატეგორიები შეძლებენ რეგისტრაციას, მეორე ეტაპზე კი – ყველა სხვა სტატუსის მქონე აპლიკანტები.
როგორც EDU.ARIS.GE-ს ბაგა-ბაღების მართვის სააგენტოში 28 მაისს განუცხადეს, კონკრეტული თარიღების შესახებ ინფორმაციას 3 ივნისს გაავრცელებენ. მათივე თქმით, დაგეგმილია გარკვეული სიახლეები, რომელთა განხილვაც მიმდინარეობს და ამის შესახებაც 3 ივნისს აცნობებენ საზოგადოებას.
„3 ივნისს ჩავატარებთ საინფორმაციო ბრიფინგს, სადაც გამოვაცხადებთ რეგისტრაციის თარიღებს და ასევე გარკვეულ სიახლეებს, რომლებზეც ვმუშაობთ. გეტყვით, რომ რეგისტრაცია ისევ ორ ეტაპად განხორციელდება. სავარაუდოდ, ივნისის შუა რიცხვებს, 8-19 ივნისს ვვარაუდობთ, თუმცა ეს თარიღი ჯერ დაზუსტებული არ არის“, – განაცხადეს ბაღების მართვის სააგენტოში.
საჯარო ბაგა-ბაღებში აღსაზრდელთა რეგისტრაცია თბილისის საბავშვო ბაგა-ბაღების მართვის სააგენტოს ვებგვერდზე იქნება შესაძლებელი.
საბავშვო ბაგა-ბაღებში აღსაზრდელთა რეგისტრაციის დასაწყებად მომზადება ამ დროისთვის უკვე მოახერხა რუსთავის ბაგა-ბაღების გაერთიანებამ – რუსთავის ბაგა-ბაღებში აღსაზრდელთა რეგისტრაცია 31 მაისს დაიწყება.
- „განათლების სამინისტრო ამჯერად ხარისხის განვითარების ცენტრის მეშვეობით ემუქრება უნივერსიტეტებს“ by ARIS.GE-განათლება
- გვერდი 09:00 საათიდან ჩაირთვება – როგორ დავარეგისტრიროთ პირველკლასელი ონლაინ 20 მაისიდან by ARIS.GE-განათლება
- „გამოცდიდან გაფრთხილების გარეშე მოიხსნებით“ – წესები, რომლებიც აბიტურიენტმა ტესტირების მიმდინარეობისას უნდა დაიცვას by სიახლეები მისაღებ გამოცდებზე