როდის შეეძლებათ მასწავლებლებს ელექტრონულ ჟურნალში მობილური აპლიკაციით შესვლა

სკოლის ელექტრონულ ჟურნალთან მობილური ტელეფონის შესაბამისი აპლიკაციის საშუალებით წვდომა პედაგოგებს ამჟამად შეზღუდული აქვთ. როგორც EDU.ARIS.GE-მ 22 ოქტომბერს გაარკვია, ახალი აპლიკაცია მზადების პროცესშია და საჯარო სკოლების პედაგოგებს ელექტრონულ ჟურნალთან წვდომის შესაძლებლობა აპლიკაციით, უკვე 2021 წლის ნოემბრიდან უნდა ჰქონდეთ.

როგორ შეძლებთ აპლიკაციის მიღებას:

ელექტრონული ჟურნალის აპლიკაციით სარგებლობა შეეძლებათ როგორც Android-ის, ისე IOS-ის მომხმარებლებს. შესაბამის ბმულს, აპლიკაციის გაშვების შემდეგ, EDU.ARIS.GE-ც გამოაქვეყნებს.

ცნობისთვის, ელექტრონული ჟურნალის შექმნის მიზანია თანამედროვე ტექნოლოგიების გამოყენებით ყველა საჯარო სკოლისთვის ხელმისაწვდომობის უზრუნველყოფა. განახლებული ელექტრონული ჟურნალი მასწავლებლებს, მშობლებს და მოსწავლეებს საგანმანათლებლო პროცესის მართვას უმარტივებს, რადგანაც მისი საშუალებით შესაძლებელია:

• მოსწავლეების ელექტრონული აღრიცხვა და შეფასება
• მშობლებისთვის საჭირო ინფორმაციის დროული მიწოდება
• სკოლის ღონისძიებების, გაკვეთილების ცხრილის, გამოცდებისა და მოსწავლისთვის განკუთვნილი საშინაო დავალებების ჩანიშვნა
• მოსწავლეების შეფასებისა და დასწრების შესახებ სტატისტიკური ინფორმაციის მიღება
• მოსწავლის შესახებ მშობელსა და მასწავლებელს შორის ინფორმაციის მყისიერი მიმოცვლა
  სკოლის ღონისძიებების, გაკვეთილების ცხრილის, გამოცდებისა და მოსწავლისთვის განკუთვნილი საშინაო დავალებების თვალყურის მიდევნება
• შვილის შეფასებისა და დასწრების შესახებ სტატისტიკური ინფორმაციის მიღება
  პროცესის ყველა მონაწილეს წინასწარ აქვს ინფორმაცია სასწავლო დასვენების დღეების შესახებ.

ამავე თემაზე:

ყველა კითხვა და ყველა პასუხი სკოლის ელექტრონული ჟურნალის შესახებ ნებისმიერი მომხმარებლისთვის