„საჩხერიდან დილით წამოვედით“ – თბილისის საგამოცდო ცენტრში ერთმა აბიტურიენტმა დაიგვიანა

დღეს, ქართული ენისა და ლიტერატურის გამოცდის მეხუთე სესიაზე, 133-ე საჯარო სკოლაში გახსნილ საგამოცდო ცენტრში ერთმა აბიტურიენტმა 15 წუთით დაიგვიანა.

როგორც აბიტურიენტის მშობელმა EDU.ARIS.GE-სთან საუბარში თქვა, ისინი საჩხერიდან დილით წამოვიდნენ.

„დილას ჯანმრთელობის პრობლემა ჰქონდა, შემდეგ საჩხერიდან მაინც წამოვედით, – მოვაღწიეთ და პატრულმა გვითხრა, ქვემოდან ჩადიო, აქედან ვერ გაგიშვებთო. ვუთხარი, რომ ჩავიდეს მთავარია და მე ამოვიყვან მანქანას-მეთქი. არაო, ჩადით ქვემოდანო და იქ სანამ ჩავედით ჩიხებში, ისევ ზემოთ აღმოვჩნდით. მერე ფეხით მოვედით და მოვედით 10-ის 15 წუთზე“, – ასე განგვიმარტა დაგვიანებულის მშობელმა მიზეზი.

შეგახსენებთ, რომ ქართული ენისა და ლიტერატურის ერთიანი ეროვნული გამოცდა დღევანდელი სესიით სრულდება, 7 ივლისს კი აბიტურიენტების ნაწილი მათემატიკის გამოცდას ჩააბარებს.

ასევე იხილეთ:

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ

მოამზადა დავით ოქროპირიძემ