SANGU-ში 2024-2025 სასწავლი წლის მაგისტრანტობის კანდიდატთა რეგისტრაცია 2 სექტემბრიდან დაიწყება – დეტალები

2024-2025 სასწავლი წლის მაგისტრანტობის კანდიდატთა რეგისტრაცია წმ. ანდრიას ქართულ უნივერსიტეტში დაიწყება 2 სექტემბრიდან და გაგრძელდება 12 სექტემბრის ჩათვლით.

2024-2025 სასწავლო წელს ცხადდება მიღება შემდეგ სამაგისტრო საგანმანათლებლო პროგრამებზე:

ჰუმანიტარულ მეცნიერებათა და სამართლის სკოლა

საგანმანათლებლო პროგრამა

• სამართალი – 30 ადგილი; სწავლის საფასური 2990 ლარი. სახელმწიფო დაფინანსებით 2250;
• საჯარო მმართველობა – 30 ადგილი; სწავლის საფასური 2750 ლარი. სახელმწიფო დაფინანსებით 2250;
• საქართველოს ისტორია – 30 ადგილი; სწავლის საფასური 2250 ლარი. სახელმწიფო დაფინანსებით 2250;
• ქართული ფილოლოგია – 20 ადგილი; სწავლის საფასური 2250 ლარი. სახელმწიფო დაფინანსებით 2250;

ბიზნესის, კომპიუტინგისა და სოციალურ მეცნიერებათა სკოლა:

• სოციალური და განწყობის ფსიქოლოგია – 20 ადგილი; სწავლის წლიური საფასური 2500 ლარი. საუნივერსიტეტო თანადაფინანსებით – 2250;
• ფსიქოდიაგნოსტიკა და კონსულტირება – 20 ადგილი; სწავლის წლიური საფასური 3900 ლარი. საუნივერსიტეტო თანადაფინანსებით – 3120;
• კომპიუტერული მეცნიერება – 25 ადგილი; სწავლის წლიური საფასური 3350. საუნივერსიტეტო თანადაფინანსებით 2680;
• კიბერუსაფრთხოება – 30 ადგილი; სწავლის წლიური საფასური – სრული დაფინანსება.

შეთავაზება SANGU-ს ბაკალავრიატის კურსდამთავრებულებს:

2024-2025 სასწავლო წლის შემოდგომის სემესტრში ჩარიცხულთათვის საუნივერსიტეტო თანადაფინანსება (უნივერსიტეტის გრანტი) 2026 წლის გაზაფხულის სემესტრის ჩათვლით, შეუნარჩუნდებათ მაგისტრანტებს, რომელთა წინა სემესტრის აკადემიური მოსწრების მაჩვენებელი თითოეულ სასწავლო კურსში/კვლევით კომპონენტში 81 და მეტი ქულაა.

ბაკალავრიატის კურსდამთავრებულს, რომელსაც SANGU-ში გავლილი აქვს ინგლისური ენა B2 დონეზე განთავისუფლდება მაგისტრატურის უცხო ენის გამოცდისგან.

SANGU-ს ბაკალავრიატის კურსდამთავრებულებს, რომლებიც სწავლის გაგრძელებას გეგმავენ SANGU-ს მაგისტრატურაში, სურვილის შემთხვევაში, დაუფინანსდებათ საერთო სამაგისტრო გამოცდებისთვის მოსამზადებელი კურსი უნივერსიტეტის მოსამზადებელ ცენტრში

უნივერსიტეტის სხვა ამბები