SANGU-მ პოლონეთის ნოვი სონჩის ბიზნეს სკოლასთან თანამშრომლობის მემორანდუმი გააფორმა

წმ. ანდრიას ქართულმა უნივერსიტეტმა (სანგუ) პოლონეთის ნოვი სონჩის ბიზნეს სკოლასთან – (National Louis University (WSB-NLU), თანამშრომლობის მემორანდუმი გააფორმა.

უნივერსიტეტის მიერ 2 აპრილს გამოქვეყნებული ინფორმაციით, თანამშრომლობა მიზნად ისახავს ბიზნესის ადმინისტრირებისა და სამეცნიერო კვლევების მიმართულებით უმაღლესი განათლების განვითარების ხელშეწყობას და საერთაშორისო აკადემიური კავშირების გაძლიერებას.

თანამშრომლობის ფარგლებში გათვალისწინებულია:

• სტუდენტებისა და აკადემიური პერსონალის გაცვლა – მობილობის შესაძლებლობების გაფართოება;
• სამეცნიერო და აკადემიური აქტივობები – ერთობლივი კვლევითი პროექტების განხორციელება და მათი საერთაშორისო დონეზე გამოქვეყნება;
• საერთაშორისო ღონისძიებები – სემინარები, ვორქშოფები, კონფერენციები და საზაფხულო სკოლები.

აღნიშნული პარტნიორობა სანგუს სტუდენტებსა და აკადემიურ პერსონალს უხსნის ახალ საერთაშორისო შესაძლებლობებს და უნივერსიტეტის ინტერნაციონალიზაციის მიმართულებით მნიშვნელოვან ნაბიჯს წარმოადგენს.

უნივერსიტეტის სხვა ამბები