„როგორ მუშაობს ევროკავშირი?“ – SANGU-ში საჯარო ლექციების ციკლი გაიმართება

20, 21 და 22 აპრილს, 11:00 საათზე, წმ. ანდრიას ქართულ უნივერსიტეტში პროფესორი რომან სტრასერი თემაზე – „როგორ მუშაობს ევროკავშირი?“, საჯარო ლექციების ციკლს გამართავს.

უნივერსიტეტის მიერ 6 აპრილს გამოქვეყნებული ინფორმაციით, ლექციების თემატიკა ასეთია:

• 20 აპრილი – ევროკავშირის შექმნა და განვითარება 50-იანი წლებიდან დღემდე, ევროპული ინსტიტუტებისა და ორგანოების ფუნქციონირება;
• 21 აპრილი – ევროპარლამენტის მუშაობის სპეციფიკა;
• 22 აპრილი – ევროპული კანონმდებლობის შემუშავების პროცესი, ევროკავშირის როლი მოქალაქეების ცხოვრებაში, ევროკავშირის გამოწვევები 2026 წლის ბოლოსთვის, საქართველოს ევროპული და ტრანსატლანტიკური მომავალი.

თითოეული შეხვედრა 2 საათი გაგრძელდება, სასაუბრო ენა კი ინგლისური იქნება.

ცნობისთვის, პროფ. რომან სტრასერი წარმოშობით ლუქსემბურგიდანაა და უკვე 37 წელზე მეტია, რაც სტრასბურგში, ევროპარლამენტში, ევროპის სახალხო პარტიის (ქრისტიან-დემოკრატები) ჯგუფის სამდივნოში მუშაობს. სხვადასხვა დროს მას ეკავა პოლიტიკური მრჩევლის, ადამიანური რესურსების განყოფილების უფროსის, კულტურათაშორისი და რელიგიური დიალოგის განყოფილების ხელმძღვანელის პოზიციები. იგი ასევე გახლავთ ევროპარლამენტის – საქართველოს მეგობრობის ჯგუფის პირველი გენერალური მდივანი.

უნივერსიტეტის სხვა ამბები