„საქართველოში აკადემიური თავისუფლება კონსტიტუციით გარანტირებულ უფლებას წარმოადგენს“

„საქართველოში აკადემიური თავისუფლება კონსტიტუციით გარანტირებულ უფლებას წარმოადგენს, რაც მეცნიერებისა და უმაღლესი საგანმანათლებლო დაწესებულებების ავტონომიაში ნებისმიერი სახის ჩარევისაგან დაცვას გულისხმობს“, – ეს განცხადება საქართველოს განათლებისა და მეცნიერების მინისტრმა პოლონეთის განათლებისა და მეცნიერების მინისტრის, პშემისლავ ჩარნეკის მიწვევით, ქალაქ ტორუნში ცნობილი მეცნიერის ნიკოლას კოპერნიკის 550 წლის იუბილესადმი მიძღვნილ საერთაშორისო კონფერენციაზე გააკეთა.

განათლების კვლევებზე პოლიტიკური კონტროლის დამყარების სურვილი? – რატომ შექმნა მთავრობამ ახალი ცენტრი

რა მიზანი ექნება საგანმანათლებლო კვლევების ეროვნულ ცენტრს, რომელიც სახელმწიფო ბიუჯეტიდანაც დაფინანსდება

როგორც განათლების სამინისტროს მიერ დღეს, 23 თებერვალს გავრცელებულ ინფორმაციაში ვკითხულობთ, მიხეილ ჩხენკელმა კოლეგა მინისტრებთან ერთად მეცნიერების განვითარებისა და სამეცნიერო კვლევების მხარდაჭერის საკითხები განიხილა.

„სამეცნიერო პროგრესზე საუბრისას არ შემიძლია არ აღვნიშნო, რომ მეცნიერება ეფუძნება თავისუფლებას და მისი განვითარების უმთავრესი წინაპირობა სამეცნიერო კვლევითი პროცესების შეზღუდვების გარეშე წარმოებაა. მჯერა, ერთობლივი ძალისხმევით, ურთიერთპატივისცემითა და თანასწორი სამეცნიერო გარემოს შექმნით შევძლებთ, თანამედროვე სამეცნიერო მიღწევების გამოყენებას საყოველთაო კეთილდღეობის უზრუნველსაყოფად.

„აღსანიშნავია, რომ მეცნიერების განვითარება საქართველოს მთავრობის სტრატეგიულ პრიორიტეტს წარმოადგენს – ყოველწლიურად იზრდება სფეროს დაფინანსება, ამასთან, საქართველოს მთავრობის მიერ დამტკიცებული განათლებისა და მეცნიერების ერთიანი ეროვნული სტრატეგია 2022-2030 ორიენტირებულია მეცნიერების, ტექნოლოგიებისა და ინოვაციების (STI) მოდერნიზებასა და ინტერნაციონალიზაციის ხელშეწყობაზე მდგრადი განვითარების მიზნების გათვალისწინებით. საქართველოს განათლებისა და მეცნიერების სამინისტროს მიერ განსაკუთრებული აქცენტი კეთდება მეცნიერების ინტერნაციონალიზაციაზე. ჩვენ ვისწრაფვით, რომ საქართველო, მსოფლიოს მასშტაბით, ცნობილი მეცნიერების მოღვაწეობისთვის გამორჩეული ადგილი გახდეს.“, – თქვა მიხეილ ჩხენკელმა.

ასევე იხილეთ:

ირაკლი ღარიბაშვილმა განათლების მინისტრისა და მისი მოადგილეებისგან ანგარიში ჩაიბარა – რაზე ისაუბრეს მთავრობის მეთაურთან