საქართველოში სარკინიგზო ტრანსპორტის პროფესიული სასწავლებელი დაფუძნდება
პროფესიულ განათლებაში დამსაქმებლის ჩართულობის უზრუნველსაყოფად, მნიშვნელოვანი შეთანხმება გაფორმდა საქართველოს განათლებისა და მეცნიერების სამინისტროს, საქართველოს რკინიგზასა და საქართველოს ტექნიკურ უნივერსიტეტს შორის.
შეთანხმების საფუძველზე, მხარეთა თანაინვესტირებითა და უშუალო ჩართულობით სარკინიგზო ტრანსპორტის პროფესიული სასწავლებელი დაფუძნდება, სადაც კონკრეტული მიმართულებით მოხდება სტუდენტთა გადამზადება და შემდგომ მათი დასაქმება. საქართველოს რკინიგზა როგორც დამკვეთი და დამსაქმებელი განათლებისა და მეცნიერების სამინისტროსთან და ტექნიკურ უნივერსიტეტთან ერთად უშუალოდ ჩართული იქნება პროცესში.
განათლების სამინისტროს ინფორმაციით, თანამედროვე სტანდარტების პროფესიულ კოლეჯში ყოვეწლიურად 800-მდე პროფესიული სტუდენტი გადამზადდება. ეს არის პროექტი, რომელიც უშუალოდ დასაქმების პრობლების გადაჭრას უზრუნველყოფს, ვინაიდან კოლეჯში კონკრეტული დაკვეთის საფუძველზე განხორციელდება სტუდენტთა გადამზადება. შედეგად, საქართველოს რკინიგზა მიიღებს კვალიფიციურ კადრებს სწორედ იმ მიმართულებით, რაზეც კომპანიას აქვს მოთხოვნა.
თანამედროვე სტანდარტების პროფესიულ სასწავლებელში სტუდენტთა გადამზადება სპეციალური სასწავლო პროგრამის ფარგლებში მოხდება. პროგრამების შედგენაში ჩართული იქნება როგორც განათლების სამინისტროს, ისე ტექნიკური უნივერსიტეტისა და საქართველოს რკინიგზის წარმომადგენლები.
- მასწავლებელთა სახელფასო პოლიტიკის შესახებ განათლების მინისტრი ბრიფინგს დღეს გამართავს by საქართველოს განათლებისა და მეცნიერების სამინისტრო
- ჩაინიშნა სკოლის დირექტორობის კანდიდატების ტესტირება – ქცევის წესები და დეტალური ინსტრუქცია by საქართველოს განათლებისა და მეცნიერების სამინისტრო
- დაიწყო I-XII კლასების პროგრამის ექსტერნატის ფორმით დაძლევის მსურველთა რეგისტრაცია – ვადები by საქართველოს განათლებისა და მეცნიერების სამინისტრო