საქსტატი: სკოლებში მასწავლებელთა რიცხვი 5%-ით შემცირდა

საქსტატის ინფორმაციით, საქართველოს სკოლებში წინა წელთან შედარებით, პედაგოგთა რაოდენობა 5%-ითაა შემცირებული.

„2019/2020 სასწავლო წლის დასაწყისისთვის, ზოგადსაგანმანათლებლო დაწესებულებებში დასაქმებული იყო 63 780 პედაგოგი, რაც წინა წლის ანალოგიურ მაჩვენებელთან შედარებით 5.3%- ით ნაკლებია. მასწავლებელთა დიდ უმრავლესობას ქალები შეადგენენ, კერძოდ, პედაგოგების რიცხოვნობაში ქალების წილი 86.8%, ხოლო კაცების წილი 13.2% -ია.

ქვემოთ მოცემულ დიაგრამაზე წარმოდგენილია პედაგოგების რაოდენობა 2015/2016-2019/2020 სასწავლო წლებში“,- ნათქვამია საქსტატის მიერ გავრცელებულ ინფორმაციაში.