სასკოლო სახელმძღვანელოების გრიფირების ახალ წესზე მუშაობა სრულდება
სასკოლო სახელმძღვანელოების გრიფირების ახალ წესზე მუშაობა უკვე სრულდება.
ამის შესახებ Aris.ge-განათლებას განათლებისა და მეცნიერების მინისტრმა თამარ სანიკიძემ განუცხადა.
სანიკიძის თქმით, მთავრობის დღევანდელ ეკონომიკურ საბჭოს სხდომაზე გრიფირების იმ კომპონენტებს განიხილავს, რომელიც უშუალოდ ეკონომიკას და ბიზნესს უკავშირდება.
„დღეს ის კომპონენტები უნდა გავიაროთ, რაც დაკავშირებულია ეკონომიკასთან და ბიზნესთან, ანუ უშუალოდ გამომცემლებთან. ამის შემდეგ კი შევძლებ უფრო კონკრეტულ დეტალებზე ვისაუბრო. თუმცა გრიფირების ახალ წესზე მუშაობა უკვე სრულდება და გაზაფხულის ბოლოს გამომცემლებისთვის ტენდერი გამოცხადდება“,-განაცხადა მინისტრმა.
შეგახსენებთ, სახელმძღვანელოების გრიფირების ახალი სტანდარტის შემოღების შესახებ Aris.ge-განათლებას გასული წლის ნოემბრის თვეში მინისტრის მოადგილე ლია გიგაური ესაუბრა, რომელის აცხადებდა, რომ ახალი სტანდარტი 2015 წლის იანვრის ბოლოს უკვე დამტკიცდებოდა.
გრიფირებული სახელმძღვანელო წარმოადგენს სასკოლო საგანმანათლებლო რესურსის ერთ-ერთ ნაირსახეობას, რომელსაც სპეციალური წესების დაცვით არჩევს უფლებამოსილი სახელმწიფო დაწესებულება და ანიჭებს განსაკუთრებულ სტატუსს – „გრიფს“. გრიფის მინიჭებით სახელმძღვანელო უპირატესობას იძენს ყველა დანარჩენ სასწავლო რესურსთან შედარებით, რაც უკავშირდება სწავლებისას მის ძირითად და სავალდებულო მასალად გამოყენებას. გამონაკლისი დაიშვება სამინისტროსთან შეთანხმებით გაძლიერებული სწავლებისას.
ეკა არის© წივწივაძე
- როგორ და რა პრინციპით შემოწმდება აჭარაში განათლების სამინისტროზე დაქვემდებარებული უწყებები – მინისტრის ბრძანება by ARIS.GE-განათლება
- დამამთავრებელი კურსის სტუდენტი მასწავლებლად – რა გამოსავალი განიხილება აჭარაში პედაგოგთა დეფიციტის შესავსებად by ARIS.GE-განათლება
- რა მოთხოვნებს ასრულებენ პროფესიული კოლეჯები ფორმალურად და რა იცვლება პროფესიულ განათლებაში 2024 წლიდან – დეტალები by პროფესიული განათლების ამბები