სახელმწიფო ენის ექსპერტებმა ქართულ ენაზე რამდენიმე ქვეყნის სახელწოდება შეცვალეს – სწორი ფორმები

2024 წლის მარტის თვეში საქართველოს სახელმწიფო ენის დეპარტამენტმა სახელების შეცვლის შესახებ გადაწყვეტილებები მიიღო.

კერძოდ, საქართველოს სახელმწიფო ენის დეპარტამენტის ექსპერტთა კომისიის გადაწყვეტილებით:

„ბელორუსია“ შეიცვალა სახელწოდებით „ბელარუსი“;
„ჩერნოგორია“ შეიცვალა სახელწოდებით „მონტენეგრო“;
„მოლდავეთი“ შეიცვალა სახელწოდებით „მოლდოვა“.

კიდევ ერთი ცვლილება, შეეხო კოლუმბიას და შეიცვალა სახელწოდებით „კოლომბია“.

ენის დეპარტამენტი გადაწყვეტილებებს დეტალურად განმარტავს და მაგალითად კოლომბიის შესახებ ასეთ არგუმენტს ასახელებს:

“კოლომბიის რესპუბლიკის მთავრობამ მოუწოდა საერთაშორისო თანამეგობრობას, რომ ქვეყნის სახელად „კოლუმბიის“ ნაცვლად დამკვიდრდეს „კოლომბია“ (Colombia [koˈlombja]).

საქართველოს საგარეო საქმეთა სამინისტროს მომართვის საფუძველზე სახელმწიფო ენის ექსპერტთა კომისიამ იმსჯელა კოლუმბიის რესპუბლიკის ქართულ ენაზე სახელწოდების შეცვლის თაობაზე და მიიღო გადაწყვეტილება, რომ შემოღებულ იქნეს მისი ავთენტიკური სახელწოდება – „კოლომბიის რესპუბლიკა“.

მართებულია: კოლომბია, კოლომბიელი და კოლომბიური.

ენის დეპარტამენტმა გადაწყვეტილება მიიღო გადაწყვეტილება ისრაელისა და მისგან ნაწარმოები სახელების მართლწერის თაობაზეც.

კერძოდ, ისრაელი ქართული სალიტერატურო ენის ნორმების მიხედვით, არის თანხმოვანფუძიანი უკუმშველი გეოგრაფიული სახელი და იბრუნვის ამგვარად:

სახ. ისრაელ-ი
მოთხ. ისრაელ-მა
მიც. ისრაელ-ს
ნათ. ისრაელ-ის
მოქმ. ისრაელ-ით
ვით. ისრაელ-ად
წოდ. ისრაელ-ო

ისრაელიდან წარმოქმნილი სახელებია: ისრაელ-ელ-ი და ისრაელ-ურ-ი. ქართული
სალიტერატურო ენის ნორმათა შესაბამისად, იბრუნვის ამგვარად:

სახ. ისრაელ-ელ-ი ადამიან-ი; ისრაელ-ურ-ი პურ-ი
მოთხ. ისრაელ-ელ-მა ადამიან-მა; ისრაელ-ურ-მა პურ-მა
მიც. ისრაელ-ელ ადამიან-ს; ისრაელ-ურ პურ-ს
ნათ. ისრაელ-ელ-ი ადამიან-ის; ისრაელ-ურ-ი პურ-ის
მოქმ. ისრაელ-ელ-ი ადამიან-ით; ისრაელ-ურ-ი პურ-ით
ვით. ისრაელ-ელ ადამიან-ად; ისრაელ-ურ პურ-ად
წოდ. ისრაელ-ელ-ო ადამიან-ო; ისრაელ-ურ-ო პურ-ო

რაც შეეხება ქვეყნების: ბელარუსი, მონტენეგრო, მოლდოვა სახელწოდებების ასე დადგენის განმარტებებს, ენის ექსპერტთა თქმით ასეთია:

ბელორუსიას ბელარუსით შეცვლის მიზეზი:

ჩერნოგორიის მონტენეგროთი შეცვლის მიზეზი:

მოლდავეთის მოლდოვათი შეცვლის მიზეზი:

ასევე იხილეთ:

გრამატიკული ცნობარი