უნგრეთის პარლამენტის ბიბლიოთეკაში ქართული წიგნის კუთხე გაიხსნა

16 ნოემბერს ბუდაპეშტში, უნგრეთის პარლამენტის ბიბლიოთეკაში, ქართული წიგნის კუთხე გაიხსნა. უნგრეთის სახელმწიფო ბიბლიოთეკასა და საქართველოს პარლამენტის ეროვნულ ბიბლიოთეკას შორის ურთიერთთანამშრომლობის მემორანდუმი გაფორმდა.

უნგრეთის დედაქალაქი ოცდამეხუთეა იმ ქალაქთა შორის, სადაც ქართული წიგნის კუთხე ან ბიბლიოთეკა გაიხსნა.

ბიბლიოთეკის ოფიცალური გვერდის ცნობით, ამ მიმართულებით ეროვნული ბიბლიოთეკის აქტივობა საქართველოშიც წარმატებულია. ეროვნული ბიბლიოთეკის მონაწილეობით საქართველოს რეგიონების ხუთასი სოფლის ბიბლიოთეკას გადაეცა წიგნები და კომპიუტერები. ბიბლიოთეკის ინფორმაციით, მსგავსი პროექტების განხორციელება მომავალშიც იგეგმება.