USAID-ის ახალი პროგრამის ფარგლებში განათლების სისტემა 14 მილიონი ლარის ღირებულების დაფინანსებას მიიღებს
![](https://edu.aris.ge/news/wp-content/uploads/2023/10/usaid1-458x257.jpg)
ამერიკის შეერთებული შტატების განვითარების სააგენტო (USAID), საქართველოს განათლებისა და მეცნიერების სამინისტროსთან თანამშრომლობით, ახალ პროექტს იწყებს, რომლის ფარგლებშიც განათლების სისტემა 14 მილიონი ლარის ღირებულების დაფინანსებას მიიღებს.
USAID-ის ადმინისტრატორის მოადგილე ერინ მაქიიმ, განათლებისა და მეცნიერების მინისტრ გიორგი ამილახვართან, მთავრობის, სკოლების, სამოქალაქო საზოგადოებისა და უნივერსიტეტების წარმომადგენლებთან ერთად USAID-ის ახალი პროგრამა 26 ოქტომბერს გახსნა.
“პროგრამა ხელს შეუწყობს საქართველოს განათლების სისტემის გაძლიერებას. ვამაყობთ, რომ ხელს ვუწყობთ განათლების გაძლიერებას, რაც საქართველოს თავისუფალი, დემოკრატიული, აყვავებული და ევროპული მომავლის საფუძველს წარმოადგენს”, – წერია USAID-ის მიერ გავრცელებულ ინფორმაციაში.